DONGO 20
Sukan’ekwali ni maye̱ bepuma
Mulangwedi 12:13
O PATAPE̱M: O byala bo̱ngo̱ besukan, tute̱le̱ basengedi bo̱ngo̱ o kasa nje bokono̱ na we̱le̱ mo̱ o ebolo.
NE̱NI BOLA NIKA:
-
Bola ná sukan’ekwal’ango̱ e be̱ mulatako n’ekwali ye̱se̱. Tuba pe̱te̱ boso b’ekwal’ango̱ na mom ma mato̱ti, to̱ kwala mo̱ na byala bepe̱pe̱.
-
Ome̱le̱ basengedi bo̱ngo̱. Lee̱ basengedi bo̱ngo̱ nje bangame̱nno̱ bola, o bole pe̱ babo̱ njo̱m i bam ońola nje bangame̱nno̱ bola nika. To̱po̱ mbadi ni malee̱ ná nje o makwalano̱ ye mweńa, na ná o dube̱ mo̱ na ngińa.
-
Bola ná sukan’ekwal’ango̱ e be̱ ná pe̱m, kwala pe̱ mo̱ na dibo̱bi. O si bata mom ma mo̱nge̱le̱ ma peńa. Esibe̱ be̱ ilaló, ońola ngedi nisukan, ome̱le̱ basengedi bo̱ngo̱ o ebolo.
