DONGO 7
Bwambo bwe mbale̱ bo mabole̱ pe̱ ná moto a dube̱
Lukas 1:3
O PATAPE̱M: Bolane̱ mboṅ ba malakisane̱no̱ ná wongwane̱ basengedi bo̱ngo̱ o po̱ o so̱ṅtane̱ di te̱nge̱n.
NE̱NI BOLA NIKA:
-
Wasa mboṅ i bam. Bola ná nje o makwalano̱ e se̱me̱ye̱ nde o Eyal’a Loba, langa mo̱ ponda te̱ epolo yeno̱ o bola nika. O mabolane̱ te̱ jo̱nge̱le̱ la babiedi, to̱ bobia, to̱ bolangi, to̱ myango ma moto, to̱ mboṅ nipe̱pe̱, se̱le̱ be̱ mbaki ná we̱ni o so̱ino̱ mo̱ ye mbaki e dia pe̱ mbale̱ o ponda weno̱ to̱po̱.
-
Bolane̱ mboṅ bwam. O malee̱ te̱ ne̱ni we̱le̱ epas’a Bibe̱l o ebolo, bola ná nje o makwalano̱ e dangwe mwemba na bepasi be dinge̱le̱ mo̱, na mom ma belēdi ba Bibe̱l, name̱ne̱ pe̱ na kalat’a “mūt’a jemea na jangwa.” (Mat. 24:45) Bolane̱ mboṅ i titi o Bibe̱l bupane̱ ponda i tilabe̱no̱ na nje batiledi bao ba pulino̱ kwala.
-
Teleye̱ mboṅ o bolino̱. O bo̱le̱ te̱ langa Betiledi to̱ tuba mboṅ, we ná o baise̱ myuedi na ye̱ne̱ to̱ bola eyembilan o jongwane̱ basengedi bo̱ngo̱ o po̱ o so̱ṅtane̱ na babo̱me̱ne̱.