DONGO 8
Byembilan be malee̱
Mateo 13:34, 35
O PATAPE̱M: Kenjise̱ belēdi bo̱ngo̱ na byembilan be wam, be mabole̱ ná basengedi bo̱ngo̱ ba to̱nde sengane̱ wa, be mabusise̱ pe̱ mato̱ti ma mweńa.
NE̱NI BOLA NIKA:
-
Po̱so̱ byembilan be wam o so̱ṅtane̱. Kana Yesu, bolane̱ beye̱me̱ki ba mambo o teleye̱ mambo ma mweńa, ma wam pe̱ o teleye̱ ma mambi. O si bata mo̱nge̱le̱ ma titi mweńa, mena ma mambise̱ eyembilan. Bola ná mambo me o eyembilan ango̱ ma be̱ mulatako na nje weno̱ lee̱ ná o si denge̱le̱ basengedi bo̱ngo̱ na mambo ma si male̱ mwemba na belēdi.
-
O si dimbea ba nja be basengedi bo̱ngo̱. Po̱so̱ byembilan o mambo basengedi bo̱ngo̱ ba to̱ndino̱ na o ma ba mabolano̱. No̱ngo̱ nde jangame̱ye̱ ná byembilan bo̱ngo̱ be si bwese̱ babo̱ iso̱n to̱ lingise̱ babo̱.
-
Lee̱ mom ma jo̱nge̱le̱. Bolane̱ nde byembilan ońola myom ma mo̱nge̱le̱, seto̱ masadisadi. O si bola ná musenged’ango̱ a ne̱nge̱ eyembilan ango̱, nde a dimbeye belēdi.