Loba a mabele̱ pat’a bato ye̱se̱ ná i siseye mo̱ be̱be̱ o muka. (Myenge 65:3) Nde, a si masenga mika me̱se̱. K’eyembilan, mika ma mome nu bai nu si mombweye̱ munj’ao mena m’ekabe̱. (1 Petro 3:7) Nika bana ba Israel ba tano̱ ba tika bola bobe, Loba a bangi o senga mika mabu. Di me̱ne̱ so̱ ná muka mwe nde eto̱ti ende̱ne̱. Nde, Loba a masenga pe̱ na mika ma moto nu boli bobe bonde̱ne̱, nde ate̱le̱.​—Langa Yesaya 1:15; 55:7.

Ombwa sinima Mo̱ Loba a masenga mika me̱se̱ e?

Muka mwe nde dongo diwo̱ la jowe̱ lasu, ońola nika nde jangame̱ne̱no̱ o kane̱ Yehova Muweked’asu bukate̱. (Mateo 4:10; 6:9) Kana di sangono̱ bobe jangame̱ne̱ nde o kane̱ o dina la Yesu Kristo ońolana a wedi ońola myobe masu. (Yohane 14:6) Yehova a si mapula ná di timbise̱le̱ milemlem ma mika ponda na ponda te̱, to̱ bolane̱ kalati ya mika. A mapula ná mika masu miwe nde biso̱ o mulema.​—Langa Mateo 6:7; Filipi 4:6, 7.

Muweked’asu a masenga na mika mena di makane̱no̱ o mulema. (1 Samuel 1:12, 13) A mabele̱ biso̱ ná di kane̱ mo̱ to̱ njika ponda nde. Jena di bola nika idiba ke̱ di te̱m o iyo̱, na ebiamu obiana di mala o nanga, o ponda da, na ke̱ je oteten a mitakisan.​—Langa Myenge 55:23; Mateo 15:36.

Nika di dingabe̱le̱no̱ na bato bena ba si be̱n dube̱ la Loba, ba mabole̱ pe̱ make̱ko jombwea dikaki lao la wana musango o wase, e titi so̱ bu o sisea Loba be̱be̱. (2 Timoteo 3:1, 4; 2 Petro 3:3, 13) Ońola nika nde di be̱nno̱ ńo̱ngi ná di  ko̱to̱me̱ na bane̱ badubedi o bwam ba suane̱le̱ mō̱ na nune̱.​—Langa Bonahebe̱r 10:24, 25.

Mundenge ma bato ba to̱ndi Loba mu mongwane̱ biso̱ o sisea mo̱ be̱be̱. Ndongame̱n ya Mboṅ a Yehova i mongwane̱ o jouse̱ dube̱ la mō̱ na nune̱.​—Langa Roma 1:11, 12.

Wena o sisea Yehova be̱be̱ tongwea ná dutea o nje wokono̱ o Eyal’ao. Dutea te̱ o nje bebolo bao, malea mao na makaki mao ba mokwe̱le̱no̱ wa. Muka, nikame̱ne̱ pe̱ na dutea ba mongwane̱ biso̱ o so̱ṅtane̱ mweńa ma ndolo na dibie̱ la Loba.​—Langa Yosua 1:8; Myenge 1:1-3.

We nde ná o sisea Loba be̱be̱ yete̱na o lakisane̱ mo̱, na dube̱ pe̱ mo̱. Nde, dube̱ le nde ka epume̱le̱ e mapule̱ dibongo. Ońola nika so̱, wangame̱ne̱ bongwa di dube̱ ponda na ponda te̱ tongwea na jombwea ná pō̱m njo̱m yena yongwane̱ wa o dube̱.​—Langa Mateo 4:4; Bonahebe̱r 11:1, 6.

Yehova a mombwea ba bena ba to̱ndi mo̱. E ná a tata babo̱ na to̱ njika lambo lena di masouse̱ dube̱ labu, na dipita labu la longe̱ la bwindea. (Myenge 91:1, 2, 7-10) A mome̱le̱ biso̱ jombwea bedangwedi ba longe̱ be matakise̱ ja lasu la bwam na bonam basu.Yehova a mokwe̱le̱ biso̱ mbad’a longe̱ ńa bwam ni buki ye̱se̱.​—Langa Myenge 73:27, 28; Yakobo 4:4, 8.