Eva a sengane̱ ńama-bwaba a da epuma. Ombusa ponda, a bola Adam, mo̱ pe̱ a da.

Nje ba bolino̱ e si ta e te̱nge̱ne̱​—nika nde e belabe̱ ná bobe. Na Loba a panga babo̱ o Paradisi, wum’abu ya boja.

Longe̱ di ta babo̱ na bana babu ndutu. Ba dun ba wo̱ pe̱. Ba s’ālo o mundi ma bedī; ba si ta pe̱ nde.

Di mawo̱ nde ońol’a ná biso̱ be̱se̱ di wu nde na Adam na Eva. Bawedi ba titi ná be̱ne̱, ba senga to̱ bola to̱ lambo.​—Mulangwedi 9:5, 10.

Yehova a si ta a pula ná bato ba wo̱. Son a ponda a me̱nde̱ pumbwe̱le̱ bawedi. Yete̱na ba sengane̱ mo̱, ba me̱nde̱ be̱ longe̱ o bwindea.