DONGO 3
Ne̱ni longe̱ di tano̱ o Paradisi e?
Yehova a boli Adam na Eva jita la mambo ma bwam. Bebotedi 1:28
Yehova a weki mut’a boso, Eva, a bola mo̱ Adam ná a be̱ munj’ao.—Bebotedi 2:21, 22.
Yehova a boli babo̱ ńolo na me̱ne̱ pe̱ na dutea ba ta ná ke̱nge̱nge̱, esibe̱ dipe̱ń to̱ diwo̱.
Paradisi, wum’abu ya boja e ta nde mōnda ma Ede̱n—mudo̱led’a epolo yena e ta e be̱ne̱ mo̱pi na myele ma bepuma na byembe.
Yehova a kwalisane̱ babo̱; okwe̱le̱ babo̱. Ba sengane̱ te̱ mo̱, ba wusa be̱ longe̱ o Paradisi o wase.
Loba a ta a kwala ná ba si da epum’a bwele bō̱ ba mōnda. Bebotedi 2:16, 17
Yehova a ta a lee̱ Adam na Eva bwele bō̱ ba mōnda, a langwea babo̱ ná yete̱na ba dedi epum’a bo bwele, ba mawo̱.
Ange̱l po̱ e ta e te̱me̱ te̱nge̱ne̱ Loba. Ni ange̱l a bobe ńe nde Satan Diabolo.
Satan a si ta a pula ná Adam na Eva ba sengane̱ Yehova. Na mo̱ a bolane̱ ńama-bwaba o langwea Eva ná yete̱na a dedi epum’a bo bwele, a si mawo̱, a mabe̱ nde ka Loba. Ye mbale̱ ná, nika e ta nde mpoṅ.—Bebotedi 3:1-5.
We pe̠ ná o to̠ndo̠...
ESSENTIAL BIBLE TEACHINGS
Ońola nje Loba a wekino̱ wase e?
Was’asu e londi na mambo ma mpesa. E te̱se̱be̱ etum yangame̱n na wei, jengame̱ lao le skwe̱, yo̱mbilane̱ lao di te̱se̱be̱ o bodu bwangame̱n. Ońola nje Loba a po̱ngino̱ mi miwe̱n me̱se̱ o weka nin wase e?
BIBE̱L—MWE̱NDI MAO MWE NDE NÁ NJE E?
Muwekedi a mabola moto Paradisi
Ne̱ni Bibe̱l e manande̱le̱no̱ wekabe̱ la bato ba benama e? Njik’a mambenda Loba a bolino̱ mom’a boso na mut’a boso e?
