DONGO 9
Njika ponda Paradisi e me̱nde̱no̱ po̱ e?
Mpungu mwe o wase we̱nge̱ mu malee̱ ná Janea la Loba di ni pula botea ebolo. Lukas 21:10, 11; 2 Timoteo 3:1-5
Bibe̱l e se̱le̱ bīse̱ mambo jita mena me o bolane̱ we̱nge̱. E kwali ná bato ba me̱nde̱ be̱ bato̱nde̱ mo̱ni, bapamwe̱ bayedi, njo na bato̱nde̱ muńe̱nge̱ ma ńolo.
Soa la mińangadu dinde̱ne̱, bila, pas’a da na maboa ma malańe̱ ba me̱nde̱ be̱. Man mambo me o bolane̱ tatan.
O mo̱ń’a nika, Yesu a kwali ná myango ma bwam ma Janea mi me̱nde̱ langwabe̱ o wase ńe̱se̱.—Mateo 24:14.
Janea di me̱nde̱ bo̱le̱ bobe bwe̱se̱. 2 Petro 3:13
Yehova a me̱nde̱ bumbise̱ ba bobe be̱se̱ son a ponda.
Satan na bedī ba bobe ba me̱nde̱ ko̱kisabe̱.
Ba bena ba masengane̱ Loba ba me̱nde̱ jonga o be̱ o was’a peńa ni te̱m na sim, wuma bo̱ngo̱ bo si me̱nde̱no̱ pe̱ be̱, o wase ńena bato ba malakisane̱le̱no̱ na to̱ndo̱ne̱ mō̱ na nune̱.
We pe̠ ná o to̠ndo̠...
KALATI INDE̱NE̱ & KALATI ISADI
Janea la Loba le nde Nje e?
Ponda Yesu a tano̱ o wase, a boli ebongolo ya nje di janea di me̱nde̱no̱ bola.
KALATI INDE̱NE̱ & KALATI ISADI
Ndenge̱ e me̱nde̱ bo̱ buńa bō̱ e?
Bibe̱l e makwala ná Loba a singe̱ ka ni si te̱m na sim a mombwea pe̱ bato. Nje nika e mapulano̱ kwala e?
