Nje Yesu a bolino̱

Nje di mokwano̱ na Yesu e?

2. Je ná di we̱le̱ be̱ne̱ ekwal’a bwam na moto yete̱na o byingedi b’ekwal’asu di bolane̱ to̱ti di malondise̱ ńo̱ng’ao.

 Embilane̱ Yesu

3. Be̱ bo̱tibo̱ti. O si kwayame̱ o to̱ti o boṅsane̱no̱ ná o makwalea. Botea na mambo ma bolan mena bato beno̱ o kwalea o ni ponda. Baise̱ wame̱ne̱ ná:

1.    ‘Mo̱ nje ye peńa e?’

2.   ‘Mo̱ nje myoyo mam ma mboa, mako̱m mam m’ebolo, to̱ m’esukulu meno̱ o kwalea e?’

4. Be̱ pe̱ńe̱pe̱ńe̱. Baise̱ wame̱ne̱ ná:

1.    ‘Mo̱ nje nu moto eno̱ o bola o ni ponda e? Mo̱ ońola njika lambo eno̱ o dutea yen ebe e?’

2.   ‘Mo̱ nje bebo̱tedi bao, je̱ne̱ne̱ lao, to̱ bolongi bao, ba mabīse̱no̱ mba jombwea ebas’ao to̱ bose̱di bao e?’

3.   ‘Mo̱ ponda ni te̱nge̱n nin o kwalisane̱ nu moto e?’

5. Bia lambe̱ toi.

1.    O si to̱po̱ jita.

2.   Tute̱le̱ mot’ekwali o bola jo̱nge̱le̱ lao. Baise̱ myuedi yete̱na yangame̱n nika.