1. Yehova ńe ndolo, mo̱ ná:

“To̱ndo̱ nge’am ni peti.”

Ndol’a Loba na ńa bato

Di lee̱le̱ buńa te̱.

Mo̱ nde ńe janda la longe̱;

Ndolo nde e kwe̱ me̱se̱.

Di be̱ne̱ ni ndol’a Kristo;

Ńe̱ne̱ne̱ o bebolo.

2. Ndol’a Loba na ń’eyal’ao

E membe̱ o bola bwam.

Loba a mongwane̱ biso̱;

A membe̱ nu wo̱ledi;

Ndolo e si mako̱no̱ne̱;

Ńe muyao, we̱lisane̱.

Di benge to̱ndo̱ bonate;

Di be̱ne̱ ndol’a mbale̱.

3. O si ne̱nge̱ malinga tom;

Bola ná o buke mo̱.

Lakisane̱ nde na Loba;

Okwe̱le̱ wa yin mbend’ao:

To̱ndo̱ Loba, na bonate,

Nje ye̱se̱ ndolo ńeno̱.

Di benge lee̱le̱ bane̱

Ndol’a Loba, muyao.