1. Loba a lom Mun’ao

Ná myobe masu me̱se̱

Mi we̱le̱ o lakisabe̱,

Ná a bo̱le̱ pe̱ kwedi.

Jate̱le̱ so̱ te̱ na mbale̱

Di baise̱ milakisan

O dina la Yesu Kristo

Di me̱nde̱ lakisabe̱.

2. Di makusa ndedi

Ke̱ jembilane̱ Loba,

Di lakisane̱le̱ myobe,

Di be̱ ndolo na ndedi,

Di we̱lisane̱ bonate,

Jese̱le̱ pe̱ malinga,

Di bola babo̱ edube,

Na lee̱le̱ pe̱ ndolo.

3. Ndedi ńe ede̱mo

Be̱se̱ bangame̱nno̱ sa.

E meka ne̱nge̱ malinga

Na kombe̱ diwinako.

Jembilane̱ te̱ Yehova

Ńe ndolo buka be̱se̱

Di malakisabe̱ na mo̱;

Di be̱ pe̱ ka mo̱ Loba.