A’ YE TO ƝƐƐ NA!
Hakiliɲagami bana be kanbelew ni sunguru minw na, u hakɛ be cayara ka taga: Bibulu be mun lo fɔ o koo la?
Saan 2023, feburukalo tile 13nan loon na, biro min be kɛnɛyako ani banakunbɛn koo kun na (CDC: Les Centres américains de contrôle et de prévention des maladies) Etazini, ale ye rapɔɔri dɔ bɔ ka ɲɛsin kanbelew ni sunguruw ka hakiliɲagami bana koo ma Ameriki. A fɔra o rapɔɔri kɔnɔ ko kanbelew ni sunguru minw be lise la, dusutiɲɛ ni jigitigɛ be u tilancɛ ɲɔgɔn kan wagatijan kɔnɔ.
CDC biro min be kanbelew ni sunguruw ani lakɔlidenw ka kɛnɛyako kun na (DASH), dɔgɔtɔrɔmuso Kathleen Ethier lo ye o ɲɛmɔgɔ ye. Ale ko: “Tiɲɛn lo ko saan 10 tɛmɛninw na, an y’a kɔrɔsi ko hakiliɲagami bana be kanbelew ni sunguru caaman minɛna. Nka hakiliɲagami bana be sunguru minw na ani u b’a miiri k’u yɛrɛ faga, olu hakɛ cayara sisan ka tɛmɛ sanga ni wagati bɛɛ kan.”
A fɔra o rapɔɔri kɔnɔ ko:
Sunguru 100 kan u ye 14 waajibiya ka cɛnimusoko kɛ n’u ye. Dɔgɔtɔrɔmuso Ethier ko: “O be mɔgɔ dabali ban yɛrɛ le! I be sunguru minw lɔn, u 10 cɛma, u benna u kelen ɲɔgɔn kan ka cɛnimusoko kɛ n’a ye ani n’a sɔrɔ a tɛmɛna o kan yɛrɛ.”
Sunguru 3 cɛma, kelen ɲɔgɔn y’a ɲini sɔbɛ la k’a yɛrɛ faga.
Sunguru 5 cɛma, dusutiɲɛ ni jigitigɛ be 3 ɲɔgɔn kan wagatijan kɔnɔ.
Tiɲɛn na, o kunnafoniw be mɔgɔ dusu tiɲɛ yɛrɛ le. Kanbeleya wala sunguruya tuma ka ɲi ka kɛ ninsɔndiya wagati lo ye. Hakiliɲagami be kanbelew ni sunguru minw kan bi, mun lo be se k’u dɛmɛ ka see sɔrɔ o kan? Bibulu be mun lo fɔ o koo la?
Bibulu be ladili nafamanw di kanbelew ni sunguruw ma
An be dusutiɲɛ wagati min na, Bibulu tun kɔnna k’an lasɔmi o koo la ko: “Waati bena gwɛlɛya.” (2 Timote 3:1-5). Nka Bibulu be ladili minw di, u be sanga la tuma bɛɛ ani u be kanbelew ni sunguru miliyɔn caaman dɛmɛna u ka see sɔrɔ u ka gwɛlɛyaw kan duniɲa yɔrɔ bɛɛ la. Barokun nunu lajɛ minw basiginin lo Bibulu kan:
Dɛmɛ, kanbelew ni sunguruw ye minw b’a miirila k’u yɛrɛ faga
Dɛmɛ, kanbelew ni sunguruw ye minw hakili ɲagaminin lo, u dusu tiɲɛnin lo wala u be ni miiriya juguw ye
Triste ou optimiste ? (Desɛn anime)
Dɛmɛ kanbelew ni sunguruw ye, u be minw niin tɔɔrɔ ɛntɛrɛnɛti kan wala yɔrɔ dɔw la
See sɔrɔ i tɔɔrɔbaga kan hali n’i m’a bugɔ (Desɛn anime)
Dɛmɛ kanbelew ni sunguruw ye, u be minw lasunna ka cɛnimusoko kɛ n’u ye wala u ye minw waajibiya ka la n’u ye
Les agressions sexuelles : que faut-il savoir ? (1re partie) : Prendre des précautions
Les agressions sexuelles : que faut-il savoir ? (2e partie) : Guérir
Bibulu be ladili nafamanw di bangebagaw ma
Bibulu be ladili nafamanw di bangebagaw ma fana walisa u k’u deen kanbelew ni sunguruw dɛmɛ u ka see sɔrɔ u ka gwɛlɛyaw kan. Barokun nunu lajɛ minw basiginin lo Bibulu kan:
Découvrez aussi…
BIBULU KA KALAN JƆNJƆNW
Mun na Ala b’a to tɔɔrɔkow ka kɛ?
Mɔgɔ caaman b’u yɛrɛ ɲininga mun na dusukasi ni tɔɔrɔ fanin lo ten duniɲa kɔnɔ. Bibulu be jaabili ɲumanw di o koo la, minw b’an dusu saalo.
AN YE JƆN LO YE?
A ɲini Jehova Seerew fɛ u ka na bɔ i ye
A ɲini Jehova Seerew fɛ u ka na baro kɛ n’i ye Bibulu koo la wala ka bibulukalan kɛcogo yira i la gwansan.
