Banque mondiale perezidan ka rapɔɔri dɔ la saan 2022 zuwɛnkalo la, a y’a fɔ ko “wari barika be dɔgɔyara ka taga duniɲa kuru bɛɛ kɔnɔ. Fɛɛnw sɔngɔ be gwɛlɛyara joona joona ani o wagati kelen na, wari bɛrɛ tɛ mɔgɔw fɛ ka sanni kɛ.”

 Fonds monétaire international y’a kɔrɔsi ko “dumunifɛnw ani esansi n’a ɲɔgɔnnaw sɔngɔ yɛlɛla joona joona. O y’a to jamana minw na fantanw ka ca mɔgɔ caaman be tɔɔrɔla.”

 Bibulu b’an dɛmɛ ka faamu fɛɛn min kama o gwɛlɛyaw be yen, an be se k’o muɲu cogo min na ani Ala bena min kɛ k’o ɲɛnabɔ pewu.

•   Bibulu b’an ka wagati lo weele ko “laban tuma.”—2 Timote 3:1.

•   Yezu y’a fɔ ko “jatigɛkow” bena caya o wagati la (Luka 21:11). Fɛɛnw sɔngɔ be gwɛlɛyara minkɛ, o be mɔgɔw siranna kosɔbɛ. Mɔgɔw be jɔɔrɔla u ka siniɲasigi koo la ani u bena a kɛ cogo min na k’u ka denbaya mako wasa.

•   Yirali ka kitabu b’a fɔ k’o wagati la dumunifɛnw sɔngɔ bena gwɛlɛya. “N ye kumakan dɔ mɛn . . . ko: ‘Bile kilo kelen sɔngɔ ye tile kelen baara wari ye.’”—Yirali 6:6.

 Walisa ka dɔ lɔn tugun “laban tuma” ani o kiraya kuma koo la, videwo nin filɛ: Le monde a changé depuis 1914. Ani, barokun nin kalan: “Les cavaliers de l’Apocalypse : qui sont-ils ?”

•   “U bena soow lɔ ka sigi u kɔnɔ. U bena ɛrɛzɛnforow bɔ k’u deen dumu. U tena soow lɔ tugu janko mɔgɔ wɛrɛ be don u la. U tena yiriw tutu tugu janko mɔgɔ wɛrɛ k’u deen dumu.”—Ezayi 65:21, 22.

•   “A to suman ka ɲa jamana yɔrɔ bɛɛ, suman tisan ka sɔrɔ kuluw kan.”—Zaburuw 72:16.

•   “O la, Masaba ko ale bena wili ka dɔ kɛ, bari u be dɛsɛbagatɔw sɛgɛnna, ɲanibagatɔw be ŋunanna.”—Zaburuw 12:5.

 Ala bena dan sigi wariko gwɛlɛyara. A ten’a o kɛ jamana kelen kɔnɔ, nka duniɲa kuru bɛɛ kɔnɔ. N’i b’a fɛ k’a lɔn o bena kɛ cogo min na, barokun nin kalan: “Peut-on espérer un système économique plus juste?”

 Bibulu be se k’i dɛmɛ bi yɛrɛ ka wariko gwɛlɛya muɲu. Cogo di? Ladili ɲumanw b’a kɔnɔ minw be se k’an dɛmɛ k’an ka musakaw kɛ hakilitigiya la (Talenw 23:4, 5; Waajulikɛla 7:12). N’i b’a fɛ ka dɔ lɔn o koo la tugun, barokun nunu kalan: “Protégez vos moyens de subsistance” ani “Comment vivre avec moins.”