Tuma min na Yezu tun be dugukolo kan, a ye mɔgɔw kanu fɔɔ a y’a yɛrɛ di ka kɛ saraka ye u kosɔn (Matiyo 20:28; Zan 15:13). Yanni dɔɔni, a ben’a yira tugun ko a be mɔgɔw kanu. Cogo di do? Komi a ye Ala ka Masaya Masacɛ lo ye, a bena “kɛlɛ ban fɔɔ diɲɛ daan na.”—Zaburuw 46:10.

 Yezu bena min kɛ, a kɔrɔsi Bibulu b’o lakali cogo min na:

•   “Fantan min be kasi, a bena ale bɔsi, ka dɛsɛbagatɔ bɔsi fana, dɛmɛbaga te min na. A bena makari barikatan na, ani fantan. A bena fantan kisi. A bena u tanga benkannikɛlaw, ni mɔgɔ farimanw ma.”—Zaburuw 72:12-14.

 Yezu ye min bɛɛ kɛ an ye, ani a bena min kɛ an ye yanni dɔɔni, an be se k’a yira cogo di ko an b’a waleɲuman lɔn o kosɔn? Luka 22:19 la, Yezu y’a fɔ a ka kalandenw ye ko u k’u hakili jigi ale ka saya koo la. O lo kama, Jehova Seerew be ɲɔgɔn lajɛn saan o saan a ka saya sanyɛlɛmalon na walisa k’u hakili jigi a ka saya koo la. Na fara an kan an be Yezu ka saya Hakilijigi lajɛn kɛ ɲɔgɔn fɛ saan 2024, marisikalo tile 24nan na, dimansilon.

Hakilijigi lajɛn kɛyɔrɔ dɔ ɲini