Yɔrɔ, min be nɔɔrɔ la i kan
Telesarse:
1. Jehova dunia bɛɛ Danbaga,
i tɛ kun sankolo kɔnɔ,
kuma tɛ batolibon nin ma,
o min na an ben’i bato.
Minnu be tagama tiɲɛn sira kan,
u ninsɔndiyanin b’i bato.
O lo b’a to yɔrɔ nin cɛ ka ɲi.
N’i b’o flɛ, o ka di i ye.
(PƆƆN)
Fɛɛn minnu bɛɛ b’an fɛ,
Ele lo y’o di an ma.
An be min di i ma, Ele
lo y’o bɛɛ d’an ma.
(LAMINƐKAN)
An b’i fo yɛrɛ le o kosɔn,
an be dɔnkli la k’i tando.
I y’an ka jigiya kɛ tiɲɛn ye.
An bena to k’i tando yan.
2. An mako gwɛlɛ tun b’o boon na
ka se k’i bato, k’i tando,
ka mɔgɔw kalan i ka sraw la.
Jehova i ye an wasa.
O boon k’an dɛmɛ k’i sago kɛ!
Yezu ye baara min d’an ma,
kɔrɔtɔko lo, a tɔɔ ka ca.
An bena an jija k’o kɛ.
(PƆƆN)
An ka fɛɛn ɲumanw bɛɛ,
an ka waati, an fanga,
Ele lo ka kan n’o ye,
fɛɛnɲumanw Dibaga.
(LAMINƐKAN)
An b’i fo yɛrɛ le o kosɔn,
an be dɔnkli la k’i tando.
I y’an ka jigiya kɛ tiɲɛn ye.
An bena to k’i tando yan.
