I be se ka nafa sɔrɔ kosɔbɛ i ka bibulukalan na cogo min na
Kalansenw labɛnna cogo min na, o lajɛ fɔlɔ, ani o kɔ, VIDEWO nin filɛ.
YƆRƆ FƆLƆ
Walisa ka kalansen kelen kelen bɛɛ labɛn, kalansen ka dadonkumaw kalan. Ɲiningali minw sɛbɛra kulɛri la, (A) olu ni vɛrisew (B) be miiriya jɔnjɔnw bɔ kɛnɛ kan. I bena a ye ko a sɛbɛra vɛrise dɔw kɔrɔ ko: “Kalan.”
YƆRƆ 2NAN
Yɔrɔ dɔ be yen min kuun ko: “A ɲini ka dɔ lɔn tugun.” O yɔrɔ jukɔrɔ, kumasen (C) dɔ be yen min kuun ye k’a yira aw bena min lajɛ jukɔrɔyɔrɔ la. Cɛtigɛw (D) b’a yira baro bena basigi hakilinata jɔnjɔn minw kan. Vɛrisew kalan, ɲiningaliw jaabi, ani videwow filɛ.
VIDEWO minw kofɔra, u be kunnafoni wɛrɛw di an ma. Koo minw fɔra o videwow kɔnɔ, u dɔw kɛra yɛrɛ yɛrɛ la. U dɔw ma kɛ yɛrɛ yɛrɛ la nka u b’an dɛmɛ ka tiɲɛnko dɔw faamu.
Jaaw lajɛ koɲuman ani kuma minw sɛbɛra u gɛrɛfɛ, u kalan (E). Miiri k’a filɛ i bena nin jaabi cogo min na: “Ni mɔgɔ dɔ y’a fɔ i ye ko” (F).
YƆRƆ LABAN
Kalansen kelen kelen bɛɛ be laban ni “Miiriya jɔnjɔn” ye. O kɔ, ɲiningali dɔ sɛbɛra ko: “I ye mun lo faamu?” (G). Kalansen banna loon min na, o sɛbɛ. Yɔrɔ min na a sɛbɛra ko “I ka laɲinita” (H), o b’a yira i ka ɲi ka banba ka laɲinita min dafa. I be se ka kunnafoni wɛrɛw kalan, wala ka videwo dɔw filɛ yɔrɔ nin na: “Nunu lajɛ fana” (I).
Gafe tilanyɔrɔw
|
|
Tilanyɔrɔ 3 
|
Tilanyɔrɔ 4 
|
Kunnafoni wɛrɛw |
Vɛrisew sɔrɔcogo Bibulu kɔnɔ
Kitabu 66 lo farala ɲɔgɔn kan ka kɛ Bibulu ye. A tilanna yɔrɔ fila: Eburukan ni Aramekan Sɛbɛninw (“Layidu Kɔrɔ”) ani Gɛrɛkikan Sɛbɛninw (“Layidu Kura”).
Vɛrisew kofɔra nin cogo la: Bibulu ka kitabu tɔgɔ (A), sapitiri (B), ani vɛrise wala vɛrisew (C).
Misali la, Zan 17:3 be kalan ten ko: Zan ka kitabu, sapitiri 17, vɛrise 3nan.
