KALANSEN 37

Bibulu be min fɔ baara ani wari koo la

A LAMƐN KAAN NIN NA

I delila ka hami baarako wala wariko la wa? A man nɔgɔ tuma bɛɛ k’an ka balo ɲini ani o wagati kelen na ka Jehova bato a ɲɛɛ ma. Ladili ɲuman dɔw be sɔrɔ Bibulu kɔnɔ minw be se k’an dɛmɛ.

1. Bibulu be mun lo fɔ baara koo la?

Ala b’a fɛ an ka ninsɔndiya an ka baara la. Bibulu b’a fɔ ko “foyi man fisa adamaden ma . . . ka i ta baara nafa diyabɔ.” (Waajulikɛla 2:24, Biblu Ala ta Kuma). Jehova be baara kɛ kosɔbɛ. N’an b’an sɔbɛ don baara la walisa k’a ladegi, o b’a ninsɔndiya ani o b’an yɛrɛ wasa.

Baarako kɔrɔtanin lo, nka an man kan abada k’an ka baarako bila Jehova ka batolikow ɲɛ (Zan 6:27). Jehova ye layidu ta ko n’an ye ale ka batolikow kɛ an ɲɛnako fɔlɔ ye, an mako be min na walisa ka balo, a bena o di an ma.

2. Wariko jati cogo bɛnnin na

Tiɲɛn lo ko Bibulu b’a fɔ ko wari “be mɔgɔ sutara.” Nka, Bibulu b’an lasɔmi fana ko wari dama tɛ se k’a to an be hɛɛrɛ sɔrɔ (Waajulikɛla 7:12). O kama, Bibulu b’an jija ko an kana wari kanu, nka ‘min b’an bolo, o k’an wasa.’ (Eburuw 13:5 kalan). N’an b’o ladili sira tagama, wasabaliya be na ni jigitigɛ min ye, an bena an yɛrɛ latanga o ma. An tɛna an yɛrɛ don juru la gwansan (Talenw 22:7). Ani, an tɛna an yɛrɛ bila loteri n’a ɲɔgɔnnakow la wala wari nɔgɔman ɲinini na.

3. Baara ɲuman kɛcogo ni wari ye

Jehova tɛgɛ foninin lo. An be se k’a ladegi an kɛtɔ k’an “tigɛw dayɛlɛ ka mɔgɔ wɛrɛw dɛmɛ.” (1 Timote 6:18). An be se ka baara ɲuman kɛ n’an ka wari ye: an ka nili kɛ kafo ka baaraw kama ani ka mɔgɔ wɛrɛw dɛmɛ n’u mako be dɛmɛ na, sanko an kerecɛnɲɔgɔnw. An be warida min di, Jehova t’o lo jati. Nka a be min jati, o ye an ka ŋaniyaw lo ye. N’an b’an tɛgɛ labila ka nili kɛ wala ka mɔgɔw sɔn, o bena an ninsɔndiya ani o bena diya Jehova ye.—Kɛwaliw 20:35 kalan.

A ƝINI KA DƆ LƆN TUGUN

An k’a filɛ nafa min b’a la ka baarako jati cogo bɛnnin na ani k’a to min b’an bolo o k’an wasa.

4. Bonya la Jehova kan i ka baarakɛcogo fɛ

Teriya min be an ni Jehova cɛ, o ka kan k’an lasun ka baarako jati cogo bɛnnin na. A’ ye VIDEWO filɛ. O kɔ, a’ ye ɲiningali nunu kɛ ani ka baro kɛ u kan:

VIDEWO: Baara kɛ Jehova ye n’i niin bɛɛ ye (4:39)

Jason be ni miiriya min ye ani a be koow kɛ cogo min na a ka baarakɛyɔrɔ la, i ye mun lo kɔrɔsi o la?
A ye mun lo kɛ walisa a ka baara kana a kuun bɛɛ ta?

Kɔlɔsikaw 3:23, 24 kalan. O kɔ, a’ ye ɲiningali nin kɛ ani ka baro kɛ o kan:

An be baarako jati cogo min na, mun na o kɔrɔtanin lo?

Baarako kɔrɔtanin lo. Nka, an man kan ka baarako bila Jehova ka batolikow ɲɛ.

5. Nafa b’a la k’a to an ka sɔrɔ k’an wasa

Mɔgɔ caaman b’a ɲini ka wari caaman sɔrɔ ka mara. Nka Bibulu b’an jija an ka kɛ ni miiriya wɛrɛ ye wari koo la. 1 Timote 6:6-8 kalan. O kɔ, a’ ye ɲiningali nin kɛ ani ka baro kɛ o kan:

Bibulu b’an jija an ka mun lo kɛ?

Hali ni bɛrɛ t’an bolo, an be se ka ninsɔndiya sɔrɔ. A’ ye VIDEWO filɛ. O kɔ, a’ ye ɲiningali nin kɛ ani ka baro kɛ o kan:

VIDEWO: “Min b’aw bolo, o k’aw wasa” (3:20)

Mun lo b’o denbayamɔgɔw ninsɔndiya hali ni bɛrɛ t’u fɛ?

Ni caaman b’an fɛ nka o t’an wasa do? Yezu ye maana dɔ lakali k’a yira farati min b’o la. Luka 12:15-21 kalan. O kɔ, a’ ye ɲiningali nin kɛ ani ka baro kɛ o kan:

I ye kalan juman lo sɔrɔ o maana na?—Vɛrise 15 lajɛ.

Talenw 10:22 ani 1 Timote 6:10 kalan. O kɔ, a’ ye ɲiningali nunu kɛ ani ka baro kɛ u kan:

Ele fɛ, mun lo kɔrɔtanin lo ka tɛmɛ: ka teriya kɛ ni Jehova ye, wala ka wari caaman sɔrɔ? Mun na i ko ten?
Ni mɔgɔ tɛ fa wari la, a be se ka gwɛlɛya juman sɔrɔ o la?

6. Jehova bena a janto an na

Baarako wala wariko be se k’an ka limaniya kɔrɔbɔ. A’ ye VIDEWO filɛ walisa k’a lɔn an be se ka min kɛ o koo ɲɔgɔn na. O kɔ, a’ ye ɲiningali nunu kɛ ani ka baro kɛ u kan:

VIDEWO: Jehova bena an mako wasa (6:31)

Gwɛlɛya jumanw tun be balimacɛ nin kan?
A ye mun lo kɛ walisa ka see sɔrɔ u kan?

Matiyo 6:25-34 kalan. O kɔ, a’ ye ɲiningali nin kɛ ani ka baro kɛ o kan:

Minw be Jehova ka batolikow kɛ u ɲɛnako fɔlɔ ye, Jehova ye layidu ta ko a bena mun lo kɛ u ye?

NI MƆGƆ DƆ Y’A FƆ I YE KO: “N’ ka ɲi ka baara kɛ caaman k’an ka denbaya mako wasa, n’ tɛ se ka taga kafo ka lajɛnw bɛɛ la.”

Vɛrise juman lo y’i dɛmɛ ka la a la ko n’an be Jehova ka batolikow kɛ an ɲɛnako fɔlɔ ye, o lo ɲɔgɔn tɛ yen?

MIIRIYA JƆNJƆN

Tiɲɛn lo ko an mako b’a la ka baloɲini baara kɛ ani ka wari sɔrɔ. Nka, an man kan k’a to o koow k’an bali ka Jehova ka baara kɛ.

I ye mun lo faamu?

Mun lo be se k’i dɛmɛ ka baarako jati cogo bɛnnin na?
N’i b’a to i ka sɔrɔ k’i wasa, o be se k’i nafa cogo di?
Jehova ye layidu ta ko a bena a janto a sagokɛlaw la. I be se k’a yira cogo di ko i lanin b’o la?

Kalansen nin banna loon min na:

I ka laɲinita

Miiri k’a filɛ ni kalo tɛmɛninw na i ka baara y’a to i fɔnna lajɛnw na siɲɛ caaman. N’o lo, a filɛ i be se ka min kɛ walisa k’o koo ɲɛnabɔ.

Laɲinita wɛrɛ:

Your other goal