KALANSEN 50
I ka denbaya be se ka kɛ hɛɛrɛ la cogo min na (Yɔrɔ 2nan)
Denmisɛnw ye Jehova ka nilifɛn dɔ ye. A b’a ɲini bangebagaw fɛ u k’u janto koɲuman o nilifɛn na. O kama, a be ladili ɲumanw di u ma walisa k’u dɛmɛ o la. A b’a yira denmisɛnw fana be se ka min kɛ walisa u ka denbaya ka kɛ hɛɛrɛ la.
1. Jehova ye ladili jumanw di bangebagaw ma?
Jehova b’a fɛ bangebagaw k’u deenw kanu ani u ka wagati caaman kɛ n’u ye. A b’a fɛ fana u k’u deenw latanga faratiw ma ani ka basigi Bibulu ka sariyakolow kan k’u lamɔ (Talenw 1:8). Jehova b’a fɔ denfaw ye ko: “Aw [k’aw deenw] kolo k’u ladi, ani k’u kalan ka kɛɲɛ ni Matigi sago ye.” (Efɛzikaw 6:4 kalan). Ni bangebagaw b’o ladili sira tagama ani u tɛ u deenw lamɔko kalifa mɔgɔ wɛrɛ ma, o ka di Jehova ye.
2. Jehova ye ladili jumanw di denmisɛnw ma?
Jehova b’a fɔ denmisɛnw ye ko: “Aw k’aw wolobagaw boɲa.” (Kɔlɔsikaw 3:20 kalan). Ni denmisɛnw b’u wolobagaw bonya ani n’u be mɛnni kɛ u fɛ, o be Jehova ninsɔndiya. O b’u wolobagaw fana ninsɔndiya (Talenw 23:22-25). Yezu ka koo b’o lo yira ka gwɛ. Hali k’a sɔrɔ a tun ye mɔgɔ dafanin ye, a ye mɛnni kɛ a bangebagaw fɛ ani a y’u bonya.—Luka 2:51, 52.
3. I ka denbaya be se k’a magwɛrɛ kosɔbɛ Ala la cogo di?
N’i ye denfa wala denba ye, siga t’a la i b’a fɛ i deenw ka Jehova kanu kosɔbɛ i ko e b’a kanu cogo min na. I be se k’u dɛmɛ o la cogo di? Bibulu b’a fɔ ko: “Aw k’aw deenw kalan [Jehova ka kumaw] la. K’aw siginin to aw fɛ, walima k’aw to sira kan taama na.” (Deteronɔmu 6:7). Yan, n’u ko ka deen “kalan”, o kɔrɔ ko ka segi koo dɔw kan siɲɛ caaman walisa ka deen dɛmɛ a ka Jehova ka kuma faamu. N’a sɔrɔ i b’a lɔn ko tuma dɔw la, i ka ɲi ka segi koo dɔw kan siɲɛ caaman na walisa i deenw k’o to u hakili la. O vɛrise kɔrɔ ko i ka ɲi ka sababuw ɲini tuma bɛɛ ka kuma i deenw fɛ Jehova koo la. A ka ɲi aw ka wagati kunmabɔ lɔgɔkun bɛɛ gwa kɔnɔ batoli kama wala kelenna kalan kama n’a sɔrɔla ko deenw t’aw fɛ.
A ƝINI KA DƆ LƆN TUGUN
An k’a filɛ denbayamɔgɔw kelen kelen bɛɛ be se ka min kɛ walisa u ka kɛ hɛɛrɛ la ani u latanganin ka to.
4. I deenw lamɔ ni kanuya ye
Ka deen lamɔ, o man nɔgɔ tuma caaman. Bibulu be se k’i dɛmɛ cogo di o la? Zaki 1:19, 20 kalan. O kɔ, a’ ye ɲiningali nunu kɛ ani ka baro kɛ u kan:
-
Bangebagaw be se k’a yira cogo di k’u be u deenw kanu n’u be kumana n’u ye?
-
Mun na an man kan abada ka deen kolo dimi bolo? a
5. I deenw latanga
Walisa k’i deenw latanga, a kɔrɔtanin lo kosɔbɛ i ka kuma n’u kelen kelen bɛɛ ye cɛnimusoko la. N’a sɔrɔ o be maloya bila i la. A’ ye VIDEWO filɛ. O kɔ, a’ ye ɲiningali nunu kɛ ani ka baro kɛ u kan:
-
Mun na a man nɔgɔ bangebaga dɔw fɛ ka kuma u deenw fɛ cɛnimusoko la?
-
Bangebaga dɔw sera ka cɛnimusoko ɲɛfɔ u deenw ye cogo di?
I ko Bibulu tun kɔnna k’a fɔ cogo min na, Sutana ka duniɲa nin be juguyara ka taga dɔrɔn le. 2 Timote 3:1, 13 kalan. O kɔ, a’ ye ɲiningali nin kɛ ani ka baro kɛ o kan:
-
Mɔgɔ jugu minw kofɔra vɛrise 13nan na, u dɔw be denmisɛnw dɛndɛ kakalayakow kama. O kama, mun na a kɔrɔtanin lo bangebagaw k’u deenw kalan cɛnimusoko la ani k’a yira u la u be se k’u yɛrɛ latanga cogo min na o mɔgɔ sifaw ma?
I b’a lɔn wa?
Jehova Seerew ye gafew ani videwo caaman bɔ minw be bangebagaw dɛmɛ k’u deenw kalan cɛnimusoko la ani k’u latanga kakalaw ma. U dɔw ye:
-
I deenw latanga (videwo)
-
“Parler de sexualité à son enfant” (Saan 2016 ka Réveillez-vous ! No 5)
6. I wolobagaw bonya
Denmisɛnw ani kanbelew ni sunguruw be se k’a yira u kumacogo fɛ ko u b’u wolobagaw bonya. A’ ye VIDEWO filɛ. O kɔ, a’ ye ɲiningali nunu kɛ ani ka baro kɛ u kan:
-
Mun na nafa b’a la kanbelew ni sunguruw ka kuma u wolobagaw fɛ ni bonya ye?
-
Kanbelew ni sunguruw be se ka kuma u wolobagaw fɛ cogo juman na min b’a yira ko u b’u bonya?
Talenw 1:8 kalan. O kɔ, a’ ye ɲiningali nin kɛ ani ka baro kɛ o kan:
-
Kanbelew ni sunguruw ka ɲi k’u bangebagaw ka ladiliw ta cogo di?
7. Jehova bato n’i ka denbayamɔgɔw ye
Jehova Seerew ka denbayamɔgɔw be wagati kunmabɔ lɔgɔkun bɛɛ walisa ka Jehova bato ɲɔgɔn fɛ. O gwa kɔnɔ batoli be kɛ cogo di? A’ ye VIDEWO filɛ. O kɔ, a’ ye ɲiningali nunu kɛ ani ka baro kɛ u kan:
-
Denbayamɔgɔw be se ka mun lo kɛ walisa ka se k’u ka gwa kɔnɔ batoli kɛ lɔgɔkun bɛɛ?
-
Bangebagaw be se ka mun lo kɛ walisa gwa kɔnɔ batoli ka diya ani bɛɛ ka nafa sɔrɔ a la?—Jaa min be kalansen nin daminɛ na, o lajɛ.
-
Mun lo be se k’i ka denbayamɔgɔw bali ka kalan kɛ ɲɔgɔn fɛ?
Jehova tun b’a ɲini Israɛldenw fɛ u ka kuma n’u ka denbayamɔgɔw ye ale ka Kuma koo la tuma o tuma. Deteronɔmu 6:6, 7 kalan. O kɔ, a’ ye ɲiningali nin kɛ ani ka baro kɛ o kan:
-
I be se k’o sariyakolo sira tagama cogo di?
Hakilinata dɔw, gwa kɔnɔ batoli kama:
-
A’ ye kafo ka lajɛnw labɛn.
-
A’ ye Bibulu ka maana diiman dɔ kalan ani ka baro kɛ o kan.
-
N’aw deenw ka dɔgɔ, a’ ye kalan dɔw telesarse jw.org kan yɔrɔ nin na: activité pour les enfants. Aw be se fana k’u bɔ mansin na.
-
N’aw deenw ye kanbelew wala sunguruw ye, a’ ye jw.org ka barokun dɔ lajɛ min ɲɛsinna u ma.
-
A’ ye Bibulu ka maana dɔ teyatiri kɛ ka filɛ.
NI MƆGƆ DƆ Y’A FƆ I YE KO: “Diinan kuntigiw lo ka ɲi k’an deenw kalan Bibulu la.”
-
I bena a tigi jaabi cogo di?
MIIRIYA JƆNJƆN
Jehova b’a ɲini bangebagaw fɛ u k’u deenw kanu, k’u kolo, ani k’u latanga. A b’a fɛ denmisɛnw k’u wolobagaw bonya ani ka mɛnni kɛ u fɛ. A b’a fɛ denbayamɔgɔw k’ale bato ɲɔgɔn fɛ.
I ye mun lo faamu?
-
Bangebagaw be se k’u deenw lamɔ, k’u kolo ani k’u latanga cogo di?
-
Denmisɛnw be se k’a yira cogo di ko u b’u wolobagaw bonya?
-
Nafa juman b’a la ka wagati kunmabɔ gwa kɔnɔ batoli kama lɔgɔkun bɛɛ?
NUNU LAJƐ FANA
A filɛ i be se k’i deen dɛmɛ cogo min na a ka kɛ baliku ɲuman ye.
“Six valeurs à transmettre aux enfants” (Saan 2019 ka Réveillez-vous ! No 2)
Bibulu ka ladili nafaman dɔw, minw be se k’i dɛmɛ k’i bangebagaw ladon n’u kɔrɔla.
“Prendre soin de ses parents âgés : qu’en dit la Bible ?” (A be sɔrɔ jw.org kan)
A filɛ Bibulu ye cɛɛ dɔ dɛmɛ cogo min na k’a lɔn a be se k’a deenw lamɔ cogo min na.
A filɛ denfaw be se k’u ka jɛnɲɔgɔnya barika bonya n’u dencɛw ye cogo min na.
a Bibulu kɔnɔ, n’u ko ka mɔgɔ “kolo,” o kɔrɔ ko k’a tigi kalan, k’a ɲɛminɛ, wala k’a ka miiriya latilen. O kɔrɔ tɛ abada ka fariya a tigi ma wala k’a niin tɔɔrɔ.—Talenw 4:1.
