BETƐLI BAARA Weleweledala batizenin minw sanda ma tɛmɛ saan 35 kan ani u b’a fɛ ka baara kɛ Betɛli la, lajɛn dɔ bena kɛ jumalon wulafɛ ka kunnafoni di u ma. O lajɛn ɲɛsinna Betɛli baara koo ma. A bena kɛ yɔrɔ min na ani wagati min na, an bena o fɔ aw ye kɔfɛ.

MASAYA WAAJULIKƐLAW KA LAKƆLI Piyɔniye minw sanda be 23 ani 65 cɛ ani u b’a fɛ ka dɔ fara u ka waajuli baara kan, lajɛn dɔ bena kɛ dimansilon wulafɛ ka kunnafoni di u ma. O lajɛn ɲɛsinna Masaya waajulikɛlaw ka lakɔli koo ma. A bena kɛ yɔrɔ min na ani wagati min na, an bena o fɔ aw ye kɔfɛ.

MƆGƆW KUNBƐNBAGAW U ka baara ye k’aw dɛmɛ. A’ ye sɔn u ta ma koo nunu na: bolifɛnw bilayɔrɔ, jama ka ɲi ka don ani ka bɔ daa minw fɛ, sigiyɔrɔ marako ani a ɲɔgɔnnaw.

BATƐMU Fɔɔ n’a fɔra cogo wɛrɛ la, n’o tɛ batɛmu ɲinilaw ka sigiyɔrɔw bena kɛ tintin ɲɛfɛ. Batɛmu ɲinilaw ka kan ka sigi o yɔrɔ la sanni batɛmu kalan ka daminɛ samedilon sɔgɔma. U kelen kelen bɛɛ ka kan ka na ni sɛrvɛti ni fani bɛnnin ye batɛmu kama.

NILIW Labɛn caaman lo kɛra ka se ka sigiyɔrɔ ɲuman, sono ɲuman, videwo minanw ani a ɲɔgɔnnaw sɔrɔ walisa lajɛnba ka diya ani k’an dɛmɛ an k’an magwɛrɛ Jehova la. Wari caaman fana donna o la. Aw ka niliw bena an dɛmɛ k’o musakaw sara ani ka dɛmɛ don duniɲa kuru bɛɛ baara kama. Walisa ka koo nɔgɔya aw ye, nili buwatiw bilara lajɛnba yɔrɔ dɔw la. O buwatiw dogonin tɛ. Aw mana nili o nili kɛ, an b’aw waleɲuman lɔn o kosɔn. Aw kɛtɔ k’aw tɛgɛ labila ka dɛmɛ don Ala ka Masaya nafa kosɔn, Koo Ɲɛnabɔla Jɛnkulu b’aw fo o kosɔn.

DƐMƐ, KƐNƐYA KOO FANFƐ A’ y’a to aw hakili la k’o ɲɛsinna GWƐRƐGWƐRƐKOW DƆRƆN LO MA.

FƐƐN TUNUNIW Ni mɔgɔ ɲinɛna a ka fɛɛn dɔ kɔ, a’ ye taga n’a ye fɛɛn tununinw marayɔrɔ la. N’aw ka fɛɛn o fɛɛn tununa, a’ ye taga a kofɔ o yɔrɔ la. Denmisɛn minw tununa u bangebagaw ma, a’ ye taga n’u ye o yɔrɔ la. Nka, Aw kana o yɔrɔ kɛ denmisɛn marayɔrɔ ye. An b’a ɲini aw fɛ aw k’aw deenw kɔrɔsi ani aw kana a to u b’u yɔrɔ janya aw la.

SIGIYƆRƆ Aw k’aw janto tɔɔw la. A’ y’a to aw hakili la ko aw ka denbaya mɔgɔw, aw ni minw be bolifɛn kelen kan, aw ni minw be soo kelen kɔnɔ wala aw be bibulukalan kɛra ni minw ye, aw be se ka sigiyɔrɔw mara olu dɔrɔn lo ye. Aw ma sigiyɔrɔ minw mara, aw kana foyi bila u kan.

AN K’AN YƐRƐ DI KA BAARA KƐ GWANSAN Biro dɔ be lajɛnba yɔrɔ la o kama. Minw bɛɛ b’a fɛ k’u yɛrɛ di ka baara kɛ, olu be se k’u tɔgɔ di o biro mɔgɔw ma.