AW KA Masaya Boon cogoya yɛlɛmana pewu fɔɔ i t’a lɔnna tugun. O boon koo ka di i ye yɛrɛ le! N’a sɔrɔ i hakili b’a la aw ye wagati diiman minw kɛ a lɔtuma na, a saan damanin ye nin ye. Nka sisan i dusu ka di kosɔbɛ sabu aw ka Masaya Boon yɛlɛmana ka kɛ dɛmɛ laseyɔrɔ ye wagati dɔ la. Kɔsa la, sanjiba dɔ benna ka tiɲɛni kɛ aw ka mara la. O kɔ, tɔnbolo ka kɔmite sinna ka labɛnw kɛ walisa kasaratɔw ka se ka dumuni, faniw, jii saniyanin ani fɛɛn wɛrɛw sɔrɔ. Dɛmɛ minw dira, u labɛnnin lo koɲuman ka bila. Balimaw be aran kɛ walisa k’u makoɲɛfɛnw sɔrɔ ani tuma caaman na, u ɲɛji be jigi ninsɔndiya bolo.

Yezu y’a fɔ ko mɔgɔw bena ale ka kalandenw lɔn u ka kanuya lo fɛ (Zan 13:34, 35). Tilanyɔrɔ nin na, an bena a ye Jehova Seerew b’o kanuya yira cogo minw na boonlɔ baaraw la ani kasaraw tuma na. O kanuya walew b’a yira ka gwɛ ko Yezu ka Masaya be sen kan.