Tilanyɔrɔ 8nan dadonkumaw
Jehova ye Solomani duga: a ye hakilitigiyaba di a ma ani a ye nɛɛma di a ma ka batosoba lɔ. Nka dɔɔni dɔɔni, Solomani ye Jehova bila. N’i ye bangebaga ye, ngalon alaw batobagaw ye Solomani lasun a y’a mabɔ Ala la cogo min na, o ɲɛfɔ i deen ye. Israɛl ka masaya tilanna fila, ani masacɛ juguw ye jamanadenw bila josɔn ni ngalon diinan ka koow la. O wagati la, u ye Jehova ka kira kantigi caaman kɛlɛ ani k’u faga. Masaya min be Saheli fan fɛ, masamuso Zezabɛli y’a kɛ o ka koo tɔɔ juguyara: u ye Jehova bila pewu ka boliw bato. O kɛra wagati jugu yɛrɛ lo ye Israɛl ka tarikikow la. Nka Israɛlden caaman wɛrɛw ye kantigiya kɛ Jehova ye, i n’a fɔ masacɛ Zozafati ani kira Eliya.
YƆRƆ NIN NA
KALANSEN 44NAN
Batosoba, Jehova tɔgɔ la
Ala ye masacɛ Solomani ka delili minɛ ani a ye nɛɛmaba kɛ a ye.
KALANSEN 47NAN
Jehova ye barika kura don Eliya la
E ka miiri la, Jehova be se ka barika kura don e fana na wa?
KALANSEN 49NAN
U ye masamuso jugu dɔ ɲangi
Zezabɛli ye fɛɛrɛ kɛ ka Nabɔti faga walisa k’a ka ɛrɛzɛn nankɔ minɛ! A ka juguya ma dogo Jehova la.
KALANSEN 50NAN
Jehova ye Zozafati lafasa
Tuma min na jamana wɛrɛw ye kɛlɛ lawuli Zuda kama, masacɛ ɲuman Zozafati y’a ɲɛɛ sin Ala ma delili fɛ.
