Tilanyɔrɔ nin be kuma denmisɛnw, kiraw ani masaw koo la minw y’a yira cogo kabakoman na k’u limaniyanin lo Jehova la. Siri jamana na, Israɛlden sungurunin dɔ tun lanin b’a la ko Jehova ka kira bena Naaman kɛnɛya. Kira Elize tun lanin b’a la kosɔbɛ ko Jehova bena ale tanga jugu dɔw ka kɛlɛbolo ma. Sarakalasebagaw kuntigi Yoyada y’a niin bila farati la ka deen dɔ latanga a mamamuso jugu Atali ma. O deen ye Zowasi ye. Masacɛ Ezekiyasi tun lanin b’a la ko Jehova bena Zeruzalɛmu dɛmɛ. O kama, a ma siran Asirikaw ɲɛ. Masacɛ Zoziyasi ye boli batoli ban jamana kɔnɔ, Alabatosoba yɔrɔ minw tun tiɲɛna, a y’u lalaga ani a ye jamana mɔgɔw dɛmɛ ka kɔsegi tiɲɛn batoli la.