Miiri i lamɛnbagaw koo la: Walisa ka se k’i dusukun labɛn, miiri k’a filɛ gwɛlɛya min b’i lamɛnbagaw kan ani u dusukunnakow ye min ye.

I janto kosɔbɛ i ka kumaw na: A ɲini k’i lamɛnbagaw hakili sigi, k’u dusu saalo, ani k’u barika bonya. Kana kuma sifa dɔw fɔ minw ben’a to i be don mɔgɔ gasi la gwansan. Mɔgɔ minw tɛ Jehova Seerew ye, kana u lɔgɔbɔ ani kana u kɔrɔfɔ u ka lannakow kosɔn.

A yira ko i b’i mako don u la: Kuma ni dususuman ye ani i fari lamaga cogo bɛnnin na walisa k’a yira i lamɛnbagaw la ko i b’i janto u la sɔbɛ la. I janto fana i ɲɛda cogoya la ani to ka yɛlɛmisɛn kɛ.