KALANSEN 13
Kalan nafa yira ka gwɛ
Ezayi 48:17
MIIRIYA JƆNJƆN: I lamɛnbagaw dɛmɛ u k’a faamu i ka kalan ɲɛsinna u ma cogo min na. I b’u kalanna min na, a yira u la u be se ka baara kɛ n’o ye cogo min na.
A KƐCOGO:
-
Miiri i lamɛnbagaw koo la: I b’i lamɛnbagaw kalanna min na, miiri k’a filɛ fɛɛn min kama u ka ɲi k’o lamɛn. Miiri fana k’a filɛ kalan yɔrɔ tigitigi juman lo be se k’u dɛmɛ kosɔbɛ!
-
I ka kalan kuru bɛɛ la, a yira i lamɛnbagaw la u ka ɲi ka min kɛ: Kabi kalan daminɛ na, bɛɛ ka ɲi k’a faamu k’o kalan ɲɛsinna ale yɛrɛ lo ma. Miiriya jɔnjɔnw kelen kelen bɛɛ walawalatɔ, a sira tagamacogo yira. Kana kuma sanfɛ sanfɛ, nka koow ɲɛfɔ ka dunya.
