I lamɛnbagaw dɛmɛ u k’u yɛrɛ sɛgɛsɛgɛ: ɲiningali sifa dɔw kɛ minw bena i lamɛnbagaw dɛmɛ u ka miiri ani u k’u yɛrɛ sɛgɛsɛgɛ.

U jija u ka kɛ ni ŋaniya ɲumanw ye: I lamɛnbagaw lasun u k’u yɛrɛ sɛgɛsɛgɛ k’a filɛ fɛɛn min kama u be koo ɲuman kɛra. U dɛmɛ u ka kɛ ni ŋaniya ɲumanw ye, i n’a fɔ: ka Jehova kanu, k’u mɔgɔɲɔgɔnw kanu ani ka Bibulu ka kalanw koo diya u yɛrɛ ye. Hakilijagabɔ kɛ n’u ye. Kana u kɔrɔfɔ. Kana u jalaki fana. I ka kalan bannin kɔ, u ka ɲi k’a ye ko i ye barika don u la ani ko i y’u jija u k’u seko bɛɛ kɛ.

Mɔgɔw ɲɛsin Jehova ma: A yira ka gwɛ cogo min na Bibulu ka kalanw, a ka sariyakolow n’a ka cikanw be Ala ka jogow yira ka gwɛ ani u b’a yira ko Ala b’an kanu. Jehova be koow jati cogo min na, i lamɛnbagaw dɛmɛ u ka miiri o la ani u k’a ɲini k’u koo diya a ye.