I yɛrɛ labɛn ka ɲɛ ani delili kɛ: Jehova deli walisa a k’i dɛmɛ i k’i hakili sigi i ka kalan na ani i kana jɔrɔ i yɛrɛ koo la. I bena miiriya jɔnjɔn minw walawala i ka barokun na, u to i hakili la. Kuma i yɛrɛ kumacogo la, kana dan ka kumadenw kalan tigitigi i ko u sɛbɛnin be gafe dɔ kɔnɔ cogo min na.

Kuma n’i dusu bɛɛ ye: Miiri k’a filɛ fɛɛn min kama i lamɛnbagaw mako b’a la k’i ka kumaw lamɛn. Miiri i lamɛnbagaw la. O la, i lɔcogo, i fari lamagacogo, ani i ɲɛda cogoya bena a yira u la ko i dusu ka di u kɔrɔ, i kɔnɔ gwɛnin lo ani ko i be kumana u fɛ teriya la.

I lamɛnbagaw filɛ: N’a bɛnnin lo mɔgɔw fɛ i sigiyɔrɔ la, i be se k’i lamɛnbagaw ɲɛda filɛ n’i be kumana. N’i be kalan dira, sanni i ka to k’i ɲɛɛ munumunu jama bɛɛ kan, i ɲɛɛ lɔ mɔgɔ kelen kan k’a filɛ wagati dɔɔni kɔnɔ.