KALANSEN 6
Vɛrisew sira tagamacogo yira ka gwɛ
Zan 10:33-36
MIIRIYA JƆNJƆN: Vɛrise dɔ kalannin kɔ, kana sin ka taga miiriya wɛrɛ kan. I janto ko i lamɛnbagaw y’a faamu ka ɲɛ ko i be hakilinata min walawalala ani i ye vɛrise min kalan, u fila be taga ɲɔgɔn fɛ.
A KƐCOGO:
-
Kumaden jɔnjɔnw bɔ kɛnɛ kan: Vɛrise dɔ kalannin kɔ, kumaden minw ɲɛsinna i ka kalan miiriya jɔnjɔn ma, u bɔ kɛnɛ kan. I be se k’o kɛ i kɛtɔ ka segi o kumadenw kan wala ka ɲiningali dɔ kɛ i lamɛnbagaw ye min bena u dɛmɛ k’o kumaden jɔnjɔnw bɔ kɛnɛ kan.
-
Miiriya jɔnjɔn bɔ kɛnɛ kan: N’a sɔrɔ i ye vɛrise dɔ kofɔ ani i y’a fɔ fɛɛn min kama i b’a fɛ k’o kalan. O vɛrise kalannin kɔ, kumaden jɔnjɔnw bɔ kɛnɛ k’a yira fɛɛn min kama i y’o vɛrise kalan.
-
Vɛrisew sira tagamacogo yira nɔgɔman na: Hakilinata misɛnman minw ma ɲɛsin kalan ka miiriya jɔnjɔn ma, kana u walawala. I lamɛnbagaw be min lɔn ka ban, basigi o kan k’a filɛ i be se ka min fɔ u ye walisa u k’a faamu ka ɲɛ u ka ɲi k’o vɛrise sira tagama cogo min na.