BIBULUKALAN
KALANSEN 12
Jagwɛlɛya
Sariyakolo: “Tulu suma duman ni latikɔlɔn bɛ mɔgɔ nisɔndiya cogo min na, mɔgɔ teri ka laadili ɲuman min bɛ bɔ a dusukun na, o bɛ mɔgɔ nisɔndiya ten.”—Talenw 27:9, Bible senuma.
Yezu y’a kɛ cogo min na
1. VIDEWO filɛ wala Mariki 10:17-22 kalan. O kɔ, ɲiningali nunu jaabi:
An be kalan min sɔrɔ Yezu fɛ
2. An ka ɲi k’a yira an ka Bibulu kalandenw na ko an b’u kanu. Nka, an ka ɲi k’an kɔnɔ gwɛ fana k’a fɔ u ye u ka ɲi ka min kɛ walisa k’u magwɛrɛ kosɔbɛ Jehova la.
Yezu ladegi
3. I ka Bibulu kalanden dɛmɛ a ka laɲinitaw latigɛ ani a k’a ɲini k’u dafa.
-
Gafe Ɲɛnamaya kɛ hɛɛrɛ la fɔɔ abada! ka kalansen kelen kelen bɛɛ kɔnɔ, baara kɛ ni yɔrɔ nin ye: “I ka laɲinita.”
-
Kalanden ka ɲi ka koo minw kɛ walisa ka laɲinita dɔw dafa wagati surun na ani wagatijan kɔnɔ, a dɛmɛ a k’o faamu.
4. A ɲini k’a lɔn koo minw be i ka kalanden balila ka ɲɛtaga kɛ, ani a dɛmɛ a ka see sɔrɔ u kan.
-
N’i ka kalanden tɛ ɲɛtaga kɛra, i yɛrɛ ɲininga ko:
-
“Mun lo b’a balila ka ɲɛtaga kɛ?”
-
“N’ be se ka koo tigitigi juman lo kɛ k’a dɛmɛ?”
-
-
I ka kalanden ka ɲi ka min kɛ, Jehova deli a k’i jaa gwɛlɛya walisa i ka se k’o fɔ a ye. I kɔnɔ gwɛ ka kuma n’a ye, nka o kɛ ni kanuya ye.
5. Kalan lalɔ ni kalanden tɛ ɲɛtaga kɛra.
-
Walisa k’a lɔn n’i ka kalanden be ɲɛtaga kɛra, i yɛrɛ ɲininga ko:
-
“Kalanden be min kalanna, yala a b’o sira tagama wa?”
-
“Yala a be na kafo ka lajɛnw na, ani a be Bibulu ka kalanw kofɔ mɔgɔw ye wa?”
-
“A wagati damanin ye nin ye a be bibulukalan kɛra. Yala a b’a fɛ ka kɛ Jehova Seere ye wa?”
-
-
Ni Bibulu kalanden t’a fɛ ka ɲɛtaga kɛ:
-
Min b’a balila ka ɲɛtaga kɛ, a ɲini a fɛ a ka miiri o la.
-
A ɲɛfɔ a ye nɛmɛnɛmɛ fɛɛn min kama i b’a fɛ k’a ka kalan lalɔ.
-
A fɔ a ye a ka ɲi ka min kɛ n’a b’a fɛ i ka kalan kɛ n’a ye kokura.
-