VIZITI KURA
KALANSEN 7
To k’i jija ka mɔgɔw dɛmɛ
Sariyakolo: “U ma mɔgɔw kalanni ni Krisita Yesu Kibaru Duman fɔli dabila.”—Kɛw. 5:42, Bible senuma.
Pol y’a kɛ cogo min na
1. VIDEWO filɛ wala Kɛwaliw 19:8-10 kalan. O kɔ, ɲiningali nunu jaabi:
An be kalan min sɔrɔ Pol fɛ
2. Ka se ka viziti kuraw kɛ bɛrɛbɛrɛ ani ka bibulukalanw daminɛ, fɔɔ an k’an jija le ani ka wagati ta o kama.
Pol ladegi
3. Labɛnw kɛ ka kɔsegi ka taga bɔ a tigi ye wagati min be bɛn a ma. I yɛrɛ ɲininga ko: “Wagati juman lo n’ ka teli k’a tigi sɔrɔ? A labilanin lo ka baro kɛ ni n’ ye wagati ani yɔrɔ juman lo la?” Labɛnw kɛ ka kɔsegi ka taga bɔ a ye o wagati la, hali n’o ka gwɛlɛ i ma.
4. A ɲininga aw be se ka baro kɛ tugun wagati min na. Baro kɛnin kɔ n’a ye tuma o tuma, a ɲininga i be se ka kɔsegi ka na bɔ a ye wagati tigitigi min na. Aw bɛnna wagati min na, banba ka na bɔ a ye o wagati la.
5. To ka koow filɛ ni ɲɛɛ ɲuman ye. Ni mɔgɔ dɔ sɔrɔ man di soo wala n’a bolo degunnin lo kojugu, kana sin k’a miiri ko a t’a mako don kibaro diiman na (1 Kor. 13:4, 7). I jija ka se k’a tigi sɔrɔ, nka kana i ka wagati tiɲɛ fana.—1 Kor. 9:26.
