Ka kɔn kalan ɲɛ

1. 1. I yɛrɛ labɛn koɲuman. I yɛrɛ labɛntɔ, miiri kalanden makoyaw, a ka koow cogoya ani a ka lannakow la. A bena gwɛlɛya a ma ka yɔrɔ o yɔrɔ faamu wala k’a sira tagama, miiri o la. Barokunw ni videwow lajɛ minw kofɔra yɔrɔ nin na: “Nunu lajɛ fana.” A filɛ u be se ka kalanden dɛmɛ cogo min na ani i labɛnnin ka to ka baara kɛ n’u ye kalan tuma na.

Kalan tuma na

1. 2. Ni kalanden sɔnna, kalan daminɛ ani a laban ni delili ye.

2. 3. Kana kuma kojugu. Sinsin kalansen kɔnɔnakow kan ani a to kalanden k’a ka miiriyaw fɔ.

3. 4. N’aw ye tilanyɔrɔ dɔ daminɛ, a miiriya jɔnjɔn kalan ani kalansen damanin kofɔ.

4. 5. Ni tilanyɔrɔ dɔ banna, tɛmɛ o tilanyɔrɔ ka segikanni fɛ ka kalanden hakili jigi tiɲɛnkalan jɔnjɔnw na.

5.  6. Kalansen kelen kelen bɛɛ lajɛtɔ ni kalanden ye:

   1. Aw ye dakunw kalan.

   2. A fɔra ko aw ka vɛrise minw “kalan,” aw k’u bɛɛ kalan.

   3. Vɛrise wɛrɛ minw kofɔra, aw k’u kalan n’a bɛnnin lo.

   4. A fɔra ko aw ka videwo minw “filɛ,” aw k’u bɛɛ filɛ (n’o be se ka kɛ).

   5. Ɲiningali kelen kelen bɛɛ kɛ kalanden ye.

   6. Jaa dɔw be sɔrɔ yɔrɔ nin na: “A ɲini ka dɔ lɔn tugun.” A fɔ kalanden ye a k’u filɛ ani k’u lakali.

   7. Baara kɛ ni yɔrɔ nin ye walisa k’i ka kalanden dɛmɛ a k’a filɛ a be ɲɛtaga minw kɛra Alako ta fan fɛ: “I ka laɲinita.” Laɲinita min kofɔra, kalanden jija a k’o laɲinita wala laɲinita wɛrɛ latigɛ a yɛrɛ ye. A fana be se k’o laɲinita fila bɛɛ latigɛ.

   8. Barokunw ni videwo dɔw kofɔra yɔrɔ nin na: “Nunu lajɛ fana.” Kalanden ɲininga u la juman lo diyara a ye kalan labɛntɔ.

   9. Kalan kelen kelen bɛɛ la, i jija ka kalansen kuturu bɛɛ kɛ.

Kalan kɛnin kɔ

1. 7. To ka miiri i ka kalanden koo la. Jehova deli a k’a dɛmɛ walisa a ka ɲɛtaga kɛ. A ɲini Jehova fɛ a ka hakilitigiya di i ma walisa i k’a lɔn i be se ka kalanden dɛmɛ cogo min na.