YƆRƆ 9NAN
Alijɛnɛ bena kɛ tuma juman?
Bi gwɛlɛyaw b’a yira ko yanni dɔɔni Ala ka Masaya bena dugukolo kɛ alijɛnɛ ye. Luka 21:10, 11; 2 Timote 3:1-5
Koo minw be kɛra bi, Bibulu tun kɔnna k’u caaman kofɔ. A tun ko mɔgɔw bena wari kanu, u tɛna mɛnni kɛ u wolobagaw fɛ, u bena kɛ mɔgɔ farimanw ye ani ɲɛnagwɛkow bena diya u ye.
Dugukolo yɛrɛyɛrɛbaw, marifakɛlɛw, kɔngɔbaw ani fɔɲɔbanaw tun bena kɛ fana. O koow be kɛra sisan yɛrɛ.
Ka fara o kan, Yezu tun ko Ala ka Masaya kibaro duman bena waaju dugukolo kuru bɛɛ kan.—Matiyo 24:14.
Ala ka Masaya bena juguya bɛɛ ban. 2 Piyɛri 3:13
Yanni dɔɔni, Jehova bena mɔgɔ juguw bɛɛ halaki.
Sutana ni jinaw bena ɲangi.
Minw be mɛnni kɛ Ala fɛ olu bena kisi ka sigi duniɲa tilennin kɔnɔ, yɔrɔ min na siranya tɛna kɛ yen tugun, mɔgɔw bena la ɲɔgɔn na ani ka ɲɔgɔn kanu.
Découvrez aussi…
GAFEW NI KITABUNINW
Ala ka Masaya ye mun lo ye?
Ka Yezu to dugukolo kan, a y’a yira Ala ka Masaya bena min kɛ.
GAFEW NI KITABUNINW
Tɔɔrɔ bena ban loon dɔ wa?
Bibulu b’a fɔ ko tilenbaliyakow ka gwo Ala ye ani ko a b’a janto sɔbɛ la adamadenw na. I be se ka nafa juman lo sɔrɔ o la?
