SEBAGAYA BƐƐ TIGI ALA ye duniɲa Masaba ye. An ka bi ɲɛnamaya ani sini ta be ale bolo. See b’a ye ka mɔgɔ sara ani ka mɔgɔ ɲegi. See b’a ye ka niin di mɔgɔ ma, ani ka niin bɔ mɔgɔ la. N’an y’a ka diyanye sɔrɔ, koow bena ɲɛ an bolo. N’a banna an na, koow bena tiɲɛ an bolo. A kɔrɔtalenba lo an ka batoli ka bɛn a ma dɛ!

Mɔgɔw ka batoli kɛcogow ka ca. Ni diinan be i n’a fɔ sira, yala batoli siraw bɛɛ bɛnnen be Ala ma wa? Ayi. Ala ka cira, Yesu, y’a yira ko sira fila dɔrɔn lo be yen. A y’a fɔ ko: “Sira min bɛ taa halaki yɔrɔ la, o donda ni a kɔnɔ bɛɛ ka bon, a taabaaw ka ca. Nka sira min bɛ taa ɲɛnamaya la, a donda ni a kɔnɔ bɛɛ ka dɔgɔ, a sɔrɔbaaw man ca.”​—Matiyu 7:13, 14.

Diinan sifa fila dɔrɔn lo be yen: kelen be mɔgɔ bila ka taga ɲɛnamaya yɔrɔ. Tɔ kelen be mɔgɔ bila ka taga halaki yɔrɔ. Kitabunin nin kuun ye k’i dɛmɛ ka ɲɛnamaya banbali sira sɔrɔ.