KERECƐNW KA ƝƐNAMAYA
An be se ka jaabili ɲumanw kɛ cogo di?
Jaabili ɲumanw be kafo mɔgɔw ka limaniya sabati (Ɔrɔm. 14:19). Minw b’o jaabiliw di, olu fana be nafa sɔrɔ u la (Talenw 15:23, 28). O kama, lajɛn kelen kelen bɛɛ la, a ka ɲi an ka jija ka jaabili kɛ, hali ni kelen lo. Tiɲɛn lo ko, n’an y’an bolo wuli, u tɛna an weele tuma bɛɛ. O la, a ka fisa an ka jaabili caaman labɛn.
Jaabili ɲuman . . .
-
faamu ka nɔgɔ, a gwɛnin lo ani a ka surun. Tuma caaman na, a tɛ tɛmɛ sekɔndi 30 kan.
-
ka fisa n’a dira an yɛrɛ ka fɔcogo la.
-
tɛ ko i ka segi gwansan dɔ ta kan.
N’i be jaabili fɔlɔ di . . .
-
sin ka ɲiningali jaabi cogo nɔgɔman na.
Ni ɲiningali jaabira ka ban, i be se . . .
-
k’a yira cogo min na vɛrise dɔ ɲɛsinna o miiriya ma.
-
k’a yira o miiriya b’an lasun ka min kɛ.
-
k’a ɲɛfɔ cogo min na an be se ka baara kɛ n’o miiriya ye.
-
ka wale dɔ lakali dɔɔni ka miiriya jɔnjɔn dɔ bɔ kɛnɛ kan.
