Tɔɔrɔba wagati surunyana. O kama, an ka waajuli baara ye kɔrɔtɔko ye (Talenw 24:11, 12, 20). Walisa ka mɔgɔw dɛmɛ, an be se ka baara kɛ ni JW.ORG ka ladɛrɛsi sɛbɛw ye k’u ɲɛsin Ala ka Kuma ani an ka site web ma. Tagamasiɲɛ dɔ b’o sɛbɛ kan min be mɔgɔ ɲɛsin videwo nin ma: Mun na i ka ɲi ka bibulukalan kɛ?. O yɔrɔ kelen na, u b’a tigi jija a k’a ɲini ka kunnafoni dɔw sɔrɔ wala ka bibulukalan kɛ. An ka sɛbɛw kalan man di mɔgɔ dɔw ye, nka a ka di u ye k’an ka site web lajɛ. Kana sigasiga ka JW.ORG ka ladɛrɛsi sɛbɛw di u ma. Nka, mɔgɔ minw tɛ u ka soo wala minw m’u mako don, kana o sɛbɛ to u fɛ.

I ka loon o loon baaraw la, i be se ka mɔgɔ dɔ lasun a k’a mako don i kɛtɔ k’a fɔ dɔrɔn ko: “Ne b’a fɛ ka fɛɛn dɔ d’i ma. Sɛbɛ nin b’i ɲɛsin an ka site web ma. O yɔrɔ la, i bena kunnafoniw ni videwow sɔrɔ gwansan ka ɲɛsin koo caaman ma.” (Zan 4:7). Komi o ladɛrɛsi sɛbɛ ka dɔgɔ, i be se ka deen damanin to i kun walisa k’u di mɔgɔw ma sababu bɛɛ sen fɛ.