Taga a kɔnɔkow lajɛ

Taga a kɔnɔnakow lajɛ

Kɔnti yɛlɛ (ouvre une nouvelle fenêtre)

Jehova Seerew

Kaan dɔ sugandi Jula Kɔnti yɛlɛ (ouvre une nouvelle fenêtre)

A KALAN KAAN NIN NA

NAFOLOFƐNW ALA KA KUMA KƆNƆ | ZƆBU 16-20

Mɔgɔw jija ani u barika bonya ni kuma ɲumanw ye

A LAMƐN KAAN NIN NA

Mɔgɔw jija ani u barika bonya ni kuma ɲumanw ye

Ladibaga ka kumaw ka ɲi ka mɔgɔ barika bonya

Zɔbu hakili ɲagamina ani a dusu kasira. O kama, a mako tun b’a la mɔgɔw k’a dɛmɛ ani k’a jija.
Zɔbu teri saba ma dususalo kuma si fɔ a ye. Nka, u yɛrɛ y’a jalaki ani ka dɔ fara a ka hami kan.

Bilidadi ka kuma juguw y’a to Zɔbu kasira

Zɔbu kasira Ala nɔfɛ ko a ka lafiya di ale ma, hali ni saya lo.
Zɔbu jigi tun b’a la ko suuw bena kunu. O miiriya y’a dɛmɛ ka muɲuli kɛ ni kantigiya ye.

ZƆBU JALAKIBAGAW

Elifazi:

N’a sɔrɔ a tun be bɔ Teman, Edɔmu jamana na. Zeremi 49:7 la, a fɔra ko Edɔmukaw ka hakilitigiya tun be bɔ Teman le.
Zɔbu ‘jigitugubagaw’ cɛma, n’a sɔrɔ Elifazi lo tun ka kɔrɔ ani a lɔyɔrɔ tun ka bon ni tɔɔw ye. Ale lo kɔnna ka kuma. A ye kuma ta siɲɛ saba ani a kumana ka tɛmɛ a tɔɲɔgɔn fila kan.

A ka ngalon seereya:

A ye Zɔbu lɔgɔbɔ a ka kantigiya kosɔn ani a ko Ala lanin tɛ a ka baarakɛlaw la (Zɔbu 4, 5).
A ko Zɔbu ye kuncɛba ye, ko a ka jugu ani a tɛ siran Ala ɲɛ (Zɔbu 15).
A ko Zɔbu ye wasabali ye, ko a tilennin tɛ ani ko Ala mako tɛ adamaden na (Zɔbu 22).

Bilidadi:

Suwa bɔnsɔn dɔ tun lo. N’a sɔrɔ a tun siginin be Efarati bajiba gɛrɛfɛ.
Ale lo kɛra 2nan ye ka kuma. A ye kuma ta siɲɛ saba. A ma kuma ka se Elifazi ma, nka a ka kumaw tun ka jugu ni Elifazi taw ye.

A ka ngalon seereya:

A ko Zɔbu dencɛw ye jurumu kɛ ani ko balawo min cunna u kan, u ka kan n’a ye. A ko Zɔbu tɛ siran Ala ɲɛ (Zɔbu 8).
A ko Zɔbu ye kojugukɛla ye (Zɔbu 18).
A ko kuun tɛ adamaden ka kantigiya la (Zɔbu 25).

Sofari:

A bɔra Naama. N’a sɔrɔ o be Arabi mara la, saheli ni tileben fan fɛ.
Ale lo kɛra 3nan ye ka kuma. A ye kuma juguw fɔ ka tɛmɛ tɔɔw kan. A kumana siɲɛ fila dɔrɔn.

A ka ngalon seereya:

A ko Zɔbu be kuma gwansan lo fɔra ani ko a ka kɛwale juguw dabila (Zɔbu 11).
A ko Zɔbu ka jugu ani ko koo jugu ka di a ye (Zɔbu 20).

ƝƐNAMAYA ANI WAAJULI BAARA LAJƐNSƐBƐ

Mɔgɔw jija ani u barika bonya ni kuma ɲumanw ye

Jula

Mɔgɔw jija ani u barika bonya ni kuma ɲumanw ye

https://cms-imgp.jw-cdn.org/img/p/202016123/univ/art/202016123_univ_sqr_xl.jpg

Copié

A ci dɔ ma e-mail fɛ