NAFOLOFƐNW ALA KA KUMA KƆNƆ | EZAYI 11-16
Jehova ka lɔnniya bena dugukolo yɔrɔ bɛɛ fa
O kiraya kuma ɲɛsinna Israɛldenw ma cogo di?
-
Ka Israɛldenw to tagama na ka bɔ jɔnya la Babilonɛ, ani u donnin kɔ u ka jamana na, u ma siran kongosogo ani mɔgɔ jugu si ɲɛ (Ɛsid. 8:21, 22).
O kiraya kuma ɲɛsinna an fana ma bi cogo di?
-
Jehova lɔnniya ye mɔgɔw dɛmɛ k’u sɔɔn yɛlɛma. Mɔgɔ dɔw tun ka fari fɔlɔ la. Nka u yɛlɛmana ka kɛ hɛɛrɛkɛlaw ye. Ala lɔnniya sababu fɛ, an be alijɛnɛ kɔnɔ Alako ta fan fɛ.
O kiraya kuma bena dafa cogo di sini ma?
-
Dugukolo bɛɛ bena yɛlɛma ka kɛ alijɛnɛ ye, ani lafiya ni hɛɛrɛ bena kɛ yen sabu o lo tun ye Ala ka laɲinita ye a daminɛ na. Adamaden wala kongosogo si tɛna siranya si bila an na.
Ala lɔnniya ye ciden Pol sɔɔn yɛlɛma
-
A tun ye Fariziɲɛ ye tuma min na, a sɔɔn tun ka jugu i ko kongosogo.—1 Tim. 1:13.
-
Ala lɔnniya tigitigi y’a dɛmɛ k’a jogo yɛlɛma.—Kɔlɔs. 3:8-10.
