“Loon dɔ bena se”

An be wagati min na bi.

“Masaba [ Jehova] ka soo be kulu min kan”

Jehova ka batoli senuman min ɲɔgɔn tɛ yen.

“Siyaw bɛɛ bena girin ka taga yen”

Minw sɔnna batoli senuman la, u be ɲɔgɔn fɛ kelenya la.

“An ka taga, yɛlɛ masaba ka kulu kan”

Batobaga sɔbɛw be mɔgɔw weele ka fara u yɛrɛ kan.

“A ben’a ka sira yira an na. An ben’a ka sira taama”

Jehova be tɛmɛ a ka Kuma fɛ k’an kalan ani k’an dɛmɛ k’a ka sira tagama.

“Mɔgɔw tena kɛlɛkɛcogo dege tugu”

Ezayi ko kɛlɛkɛ minanw bena yɛlɛma ka kɛ sɛnɛkɛminanw ye. O b’a yira ko Jehova sagokɛlaw bena kɛ hɛɛrɛ mɔgɔw ye. Ezayi ka wagati la, o minanw tun ye jumanw lo ye?

“Murujanjanw yɛlɛma k’u kɛ dabaw ye”

1 O dabaw tun ye misidabaw ye. U dɔw tun be kɛ ni nɛgɛ ye.— 1 Samuyɛli 13:20.

“Ka tamanw kɛ wɔrɔsɔw ye”

2 N’a sɔrɔ wɔrɔsɔ tun ye murujan ye min be tun be se ka minɛ bolo la. A tun be kɛ ka ɛrɛzɛn tigɛ.—Ezayi 18:5.