KERECƐNW KA ƝƐNAMAYA
A ɲini k’i ka waajuli kɛcogo fisaya—Baarakɛcogo ni gafe nin ye ka mɔgɔw dusukun sɔrɔ: “A ye to Ala ka kanuya la”
MUN NA A KƆRƆTANIN LO?: Mɔgɔw ka kan ka Jehova ka sariyaw lɔn ani k’u sira tagama walisa k’a bato a ɲɛ ma (Ezayi 2:3, 4). Gafe “Ala ka kanuya” ye an ka kalankɛ gafe filanan ye. A be kalandenw dɛmɛ u k’a lɔn Bibulu ka sariyakolow ɲɛsinna u ma cogo min na u ka loon o loon ɲɛnamaya la (Eburuw 5:14). N’an b’u kalanna, an k’a ɲini k’u dusukun sɔrɔ walisa k’u lasun ka yɛlɛmaniw kɛ.—Ɔrɔm. 6:17.
A KƐCOGO:
-
I yɛrɛ labɛn koɲuman. Kalanden ka makow to i hakili la. Kalan kɛtɔ, ɲiningali dɔw kɛ minw ben’a lasun k’a ka miiriyaw n’a kɔnɔnakow fɔ.—Talenw 20:5; be-F 259.
-
Baara kɛ ni gafe ka koorilenw ye walisa ka kalanden dɛmɛ a k’a ye nafa min b’a la ka Bibulu ka ladiliw sira tagama.
-
Sariya tigitigi tɛ yen koo minw na, kalanden dɛmɛ a ka hakilijagabɔ kɛ u kan. Nka kana desizɔnw ta a ye.—Gal. 6:5.
-
A kɔrɔsi k’a filɛ ni kalanden mako be dɛmɛ na ka Bibulu ka ladili dɔw sira tagama. A jija a ka yɛlɛmaniw kɛ sabu a be Jehova kanu.—Talenw 27:11; Zan 14:31.
