KERECƐNW KA ƝƐNAMAYA
Kafo ka kiinmɔgɔw bɛɛ weele ka na Hakilijigi lajɛn na!
Kanpaɲi bena daminɛ feburu tile 27nan na. An bena an seko bɛɛ kɛ k’an ka kiinmɔgɔ caaman weele u ka na Krista saya Hakilijigi lajɛn kɛ n’an ye. Mɔgɔ o mɔgɔ mana a mako don, an ka ɲi k’an janto a tigi la kosɔbɛ walisa k’a dɛmɛ Alako ta fan fɛ.
AN KA ƝI KA MIN KƐ
WELELISƐBƐ DI A TIGI MA
“An nana i weele ka na kooba dɔ la min bena kɛ marisikalo tile 23nan na. Mɔgɔ miliyɔn caaman bena lajɛn duniɲa kuru bɛɛ kɔnɔ walisa k’u hakili jigi Yezu Krista ka saya koo la. Kalan dɔ bena a yira Yezu ka saya b’an nafa cogo min na. O kalan basiginin be Bibulu kan. Wariko t’a la. O lajɛn bena kɛ yɔrɔ min na ani lɛri min na, o bɛɛ sɛbɛra sɛbɛ nin kan. Banba ka na.”
N’a tigi y’a mako don:
-
LA TOUR DE GARDE DI A MA
Viziti kura juu sigi.
-
HAKILIJIGI LAJƐN KA VIDEWO YIRA A LA
Viziti kura juu sigi.
N’i segira ka na, i be se ka:
-
VIDEWO NIN YIRA: MUN NA I KA ƝI KA BIBULUKALAN KƐ?
O kɔ, kalankɛ gafe dɔ di a ma.
-
GAFE NIN DI A MA: KALAN TIGITIGI JUMAN BE BIBULU KƆNƆ?
Tɛmɛ o gafe ɲɛɛ 206-208 fɛ k’a dɛmɛ ka koo wɛrɛw faamu Hakilijigi lajɛn koo la. O kɔ, gafe di a ma.
-
KITABUNIN NIN YIRA: MƐNNI KƐ ALA FƐ
Krista sara kuun min kama, o ɲɛfɔ a ye. Basigi sɛbɛ ɲɛɛ 18-19 kan. O kɔ, kitabunin di a ma.
