NAFOLOFƐNW ALA KA KUMA KƆNƆ | ZƆBU 6-10
Cɛɛ kantigi Zɔbu y’a yira ko a dusu kasinin lo
Zɔbu bololafɛnw bɛɛ halakira, a deenw fagara ani bana jugu y’a minɛ. O bɛɛ n’a ta, a tora kantigiya la. O kama, Sutana y’a ɲini k’a fari faga walisa a kana to kantigiya la. Zɔbu “teri” saba nana a fɛ. A fɔlɔ, u y’a yira bɛɛ ɲɛɛ na ko Zɔbu hinɛ b’u la. O kɔ, u jera ka sigi ni Zɔbu ye fɔɔ tile wolonfila nka u ma dususalo kuma si fɔ a ye. U ye kuma daminɛ tuma min na, u tora k’a jalaki ani ka kuma gwɛlɛw dɔrɔn lo fɔ a ye.
Kɔrɔbɔliba bɛɛ n’a ta, Zɔbu tora ka kantigiya kɛ Jehova ye
-
Zɔbu dusu kasira kojugu minkɛ, o y’a to a tun be ni miiriya tilenbaliw ye. A filila k’a fɔ ko hali n’ale tora kantigiya la, Ala mako t’o la.
-
Farifaga kosɔn, Zɔbu ma miiri k’a filɛ fɛɛn wɛrɛ min tun be se ka kɛ ale ka tɔɔrɔ sababu ye.
-
Hali ni Zɔbu dusu tun kasinin lo kosɔbɛ, a be Jehova kanu cogo min na, a y’o fɔ a jalakibagaw ye.
