KERECƐNW KA ƝƐNAMAYA
A ɲini k’i ka waajuli kɛcogo fisaya: Makodonmɔgɔw jija u ka na lajɛnw na
MUN NA A KƆRƆTANIN LO: Lajɛnw be sababuw di an ma tuma o tuma ka ‘dɔnkili la’ Jehova ye ani k’a tando (Zab. 149:1). An be kalan sɔrɔ lajɛnw na walisa ka Ala sago kɛ (Zab. 143:10). Makodonmɔgɔw ni Bibulu kalandenw ka teli ka ɲɛtaga kɛ joona joona n’u y’a daminɛ ka na lajɛnw na.
A KƐCOGO:
-
Welelisɛbɛ di a tigi ma. Kan’a bila ka suma. Kuun t’a la i ka kɔnɔni kɛ fɔɔ bibulukalan juu ka sigi.—Yir. 22:17.
-
A ɲɛfɔ makodonmɔgɔ ye a bena nafa min sɔrɔ lajɛnw na. Lajɛn nata bena kuma fɛɛn minw koo la, o fana ɲɛfɔ a ye. Sɛbɛ nunu ni videwo nin be se k’i dɛmɛ: lajɛn ka welelisɛbɛ, videwo Mun lo be kɛ an ka Masaya boonw kɔnɔ? ani kitabu nin kalansen 5 ani 7nan, Jehova sago.
-
A ɲini k’a dɛmɛ. Yala a tigi b’a fɛ i ka n’a ta ka taga n’a ye lajɛn na wa? Wala, a b’a fɛ i k’a dɛmɛ ka fani bɛnninw sugandi wa? Sigi a kɔrɔ lajɛn na ani a to a ka tugu kalan kɔ i ka gafew kɔnɔ. A to balimaw k’a lɔn.