Ni deen dɔ ye daa yɛlɛ an ye, an k’a ɲini ka kuma n’a bangebagaw ye. O b’a yira ko an b’u ka kuntigiya bonya (Talenw 6:20). Ni deen ko an ka don, an kana sɔn. N’a bangebagaw labilanin tɛ, an ka segi ka na siɲɛ wɛrɛ.

Ni deen sii ma se saan 19 ɲɔgɔn ma, a bele ka fisa an k’a bangebagaw koo ɲininga. N’u labilanin tɛ, an be se k’a ɲininga n’a bangebagaw b’a to a k’a ɲɛnagafew sugandi. N’u be sira di a ma, an be se ka sɛbɛ dɔ to a ye. An be se fana ka jw.org yira a la.

N’an kɔsegira ka taga bɔ deen dɔ ye min y’a mako don, an k’a ɲini ka kuma n’a bangebagaw ye. O b’a to an k’an nakun ɲɛfɔ u ye. Bibulu ka ladili ɲuman minw ɲɛsinna denbayaw ma, an be se fana k’o yira u la (Zab. 119:86, 138). N’an be bonya la bangebagaw kan, o bena kɛ seereya ɲuman ye. O fana be se ka kɛ sababu ɲuman ye ka kibaro diiman lase denbayaw ma.—1 Piyɛri 2:12.