NAFOLOFƐNW ALA KA KUMA KƆNƆ | ZABURU 119
Jehova ka sariya labato
Ka Jehova ka sariya labato, o kɔrɔ ko ka sɔn Ala k’an ɲɛminɛ. Mɔgɔ caaman ka ɲɛyirali ɲumanw be Bibulu kɔnɔ. U tugura Jehova ka cikanw kɔ ani u y’u jigi la a kan i n’a fɔ zaburu sɛbɛbaga.
N’an b’a fɛ ka hɛɛrɛ sɔbɛ sɔrɔ, fɔɔ an ka Ala ka sariyaw labato
119:1-8
Zozuwe y’a yira ko a tun lanin b’a la kosɔbɛ ko Jehova ben’a ɲɛminɛ. A tun b’a lɔn ko n’a b’a fɛ koow ka ɲɛ a bolo ani ka hɛɛrɛ sɔrɔ, fɔɔ a k’a jigi la Jehova kan n’a dusu bɛɛ ye.
An mako be jagwɛlɛya min na ka see sɔrɔ kɔrɔbɔliw kan, Ala ka Kuma b’o di an ma
119:33-40
Jeremi y’a jaa gwɛlɛya ani a y’a jigi la Jehova kan gwɛlɛyaw tuma na. A y’a ka ɲɛnamaya kɛ cogo nɔgɔman na ani a y’a jija a ka cidenyabaara la.
N’an be ni lɔnniya tigitigi ye Bibulu koo la, o b’an hakili sigi ka waajuli kɛ
119:41-48
Ciden Pol tun tɛ siran ka Ala ka Kuma fɔ bɛɛ ye. Tuma min na a y’a jaa gwɛlɛya ka gofɛrɛnɛrɛ Feliksi waaju, a tun lanin b’a la kosɔbɛ ko Jehova ben’a dɛmɛ.
Yɔrɔ jumanw na ne be se k’a yira ko n’ lanin be Jehova la kosɔbɛ ni n’ be waajuli kɛra?
-
Lakɔli la
-
Baarada la
-
Denbaya kɔnɔ
-
Yɔrɔ wɛrɛw la