Alabatoso lɔli tun tɛ ɲɛ baaraba ni musakaw kɔ. Nka, Israɛldenw ye dɛmɛ don o baara la ni kisɛya ye (1 Til. Kib. 29:2-9; 2 Til. Kib. 6:7, 8). O boon lɔnin kɔ u tun ka ɲi k’a ladon. A ladoncogo tun bena a yira n’u limaniyanin lo wala n’u limaniyanin tɛ (2 Mas. 22:3-6; 2 Til. Kib. 28:24; 29:3). Bi fana, kerecɛnw be wagati caaman ta ani u b’u jija ka Masaya Boonw ni Lajɛnba Boonw lɔ, k’u saniya ani k’u ladon. Nka, nɛɛmaba lo an fɛ ka baara kɛ ni Jehova ye o cogo la. O fana ye an ka baara senuman faan dɔ ye.—Zab. 127:1; Yir. 7:15.

• Ka Masaya Boon ladon lajɛn bɛɛ bannin kɔ. Ni see bɛrɛ t’i ye, i jija k’i gɛrɛfɛyɔrɔ ladon.

• Ka Masaya Boon saniya ani k’a lalaga tuma o tuma. Bolow mana caya baara la, a be diya ani a tɛ gwɛlɛya.—lv 92-93 § 18.

• Ka wari di. Hali n’an ye “warimisɛn deen fila” lo di, o ka di Jehova ye n’an y’o kɛ n’an dusukun bɛɛ ye.—Mariki 12:41-44.

• K’an yɛrɛ di ka batoli kɛyɔrɔw lɔ ani k’u lakuraya ni see b’an ye k’o kɛ. Waajibi tɛ an ka se boonlɔ baara la.