NAFOLOFƐNW ALA KA KUMA KƆNƆ | ZABURUW 34-37
I jigi la Jehova kan ani koo ɲuman kɛ
“Kojugukɛla keleya kana e minɛ”
-
Mɔgɔ juguw ka koow be ɲɛ, nka mɛɛnta tɛ. Kana a to o k’i bali ka Jehova sago kɛ a ɲɛɛ ma. Nka miiri Ala ka dugaw la ani Alakow kɛ i ɲɛnako fɔlɔ ye.
I jigi la Jehova kan ka baara ɲuman kɛ
-
La a la ko Jehova bena i dɛmɛ n’i be sigasiga wala ni hami b’i la. A bena i dɛmɛ fana ka to kantigiya la.
-
I bolo degunnin ka to Ala ka Masaya kibaro diiman fɔli la.
Ɲagali Jehova la
-
Wagati kunmabɔ ka Ala ka Kuma kalan ani ka miiri a la walisa ka Jehova lɔn ka ɲɛ.
I ka koo to Jehova bolo
-
La a la kosɔbɛ ko Jehova bena i dɛmɛ k’i ka gwɛlɛyaw bɛɛ ɲɛnabɔ.
-
Ni mɔgɔw b’i tɔɔrɔ, n’u b’i kɛlɛ wala n’u be ngalon la i kan, a to i tagamacogo ka ɲɛ tuma bɛɛ.
I je ka Jehova makɔnɔ ni muɲuli ye
-
I yɛrɛ tanga hakilintanyakow ma sabu u be se k’i ka ninsɔndiya nagasi ani k’i bila farati la Alako ta fan fɛ.
“Mɔgɔmajigininw bena jamana nin tigiya kɛ”
-
I jija k’i majigi. Tilenbaliyako minw bɛɛ be kɛra i la, kɔnɔni kɛ ni majigilenya ye walisa Jehova k’u ban.
-
I kerecɛnɲɔgɔnw dɛmɛ. Minw jigi tigɛnin lo, i k’u dusu saalo ni jigiya kuma nunu ye: Yanni dɔɔni, Ala bena duniɲa kura sigi sen kan.
Masiya ka Masaya bena duga kabakomanw lase an ma
