Kerecɛn sumanin caaman bena na Hakilijigi lajɛn na talatalon, awirili tile 11. U tun y’a daminɛ ka ɲɔgɔndanboli kɛ ɲɛnamaya kama. Nka koo caaman kosɔn, u nana sumaya. O koo dɔw kofɔra kitabunin nin kɔnɔ: Reviens à Jéhovah (Eburuw 12:1). U koo bele ka gwɛlɛ Jehova ma sabu a y’u san n’a Dencɛ joli ye (Kɛw. 20:28; 1 Piyɛri 1:18, 19). An be se k’u dɛmɛ cogo di u ka kɔsegi kafo kɔnɔ?

Sagadɛndɛla b’a sɔbɛ don ka saga tununinw yɔrɔ ɲini. O cogo kelen na, diinan mɔgɔkɔrɔw be kerecɛn sumaninw yɔrɔ ɲini ani k’u dɛmɛ (Luka 15:4-7). O b’a yira ko Jehova b’a janto u la (Zer. 23:3, 4). Ka fara diinan mɔgɔkɔrɔw kan, an bɛɛ be se ka sumalenw jija. N’an b’an jija ka ɲumanya kɛ u ye ani ka hinɛ u la, o ka di Jehova ye ani o nafa ka bon (Talenw 19:17; Kɛw. 20:35). O la do, miiri k’a filɛ i be se ka minw jija. O kɔ, i k’o kɛ, kan’a bila ka suman.

VIDEWO NIN FILƐ: KERECƐN SUMANINW JIJA. O KƆ, ƝININGALI NUNU JAABI:

• Abbey ye mun lo kɛ tuma min na a ye Jehova Seere dɔ kunbɛn a tun tɛ min lɔn?

• N’an b’a fɛ ka sumalen dɔ dɛmɛ, mun na an ka ɲi ka kaan bɔ diinan mɔgɔkɔrɔw ma?

• Abbey y’a yɛrɛ labɛn cogo di ka taga bɔ Laura ye a siɲɛ filanan na?

• Abbey b’a ɲinina ka Laura jija tuma min na, mun lo b’a yira ko a m’a fari faga, a muɲuna ani kanuya tun b’a la?

• Yezu ye ntalen kuma min fɔ Luka 15:8-10 na, an be kalan juman lo sɔrɔ o la?

• Jijali minw bɛɛ kɛra ka Laura dɛmɛ, mun lo sɔrɔla o la?