Ka Pol ni Silasi to kaso kɔnɔ, u ye dɔnkili la ka Ala tando (Kɛw. 16:25). An ka wagati la, Hitilɛri ka sɔrɔdasiw ye an kerecɛnɲɔgɔn minw minɛ ka don kaso kɔnɔ Sachsenhausen, wala ka taga n’u ye Siberi mara la, olu ye Masaya dɔnkiliw la. O koo tɛmɛninw b’a yira ko kerecɛn minw be kɔrɔbɔliw la, dɔnkiliw be se k’u jaa gwɛlɛya.

Yanni dɔɔni, dɔnkili gafe kura min barokun ko “A’ ye ninsɔndiya ka dɔnkili la” Jehova ye, o bena sɔrɔ kaan caaman wɛrɛw la. N’an y’o gafe sɔrɔ, an ka banba ka dɔnkiliw kumaw lɔn an kɛtɔ k’u degi gwa kɔnɔ batoli tuma na (Efɛz. 5:19). O la, ni kɔrɔbɔliw y’an sɔrɔ, hakili senu bena an dɛmɛ k’an hakili jigi u la. Masaya dɔnkiliw be se k’an dɛmɛ k’an ka miiriya bɛɛ la an ka jigiya kan. U be se k’an jija kɔrɔbɔli tuma na. N’an dusu ka di, u ka kuma diimanw be se k’an lasun ka dɔnkili la ni ninsɔndiya ye (1 Til. Kib. 15:16; Zab. 33:1-3). An ka baara ɲuman kɛ n’an ka Masaya dɔnkiliw ye cogo bɛɛ la!

VIDEWO NIN FILƐ: DƆNKILI MIN TUN YE BAARADENW JIJA. O KƆ, ƝININGALI NUNU JAABI:

• Koo jumanw lo ye balimacɛ Frost lasun ka dɔnkili kura dɔ bɔ?

• Balima minw tun be kaso la Sachsenhausen, o dɔnkili y’u jija cogo di?

• Masaya dɔnkiliw be se ka fanga di i ma koo jumanw na loon o loon?

• Ele b’a fɛ ka Masaya dɔnkili jumanw lo degi k’u lɔn?