Yezu y’a fɔ ko: “Aw y’a sɔrɔ gwansan, aw fana k’a di gwansan.” (Mat. 10:8, Bible senuma). O kumaw gwɛnin lo ani an b’u sira tagama. O kama, an be Bibulu n’an ka gafe minw di mɔgɔw ma, sɔngɔ t’u la (2 Kor. 2:17). Nka tiɲɛn kuma nafamanw lo be sɔrɔ o gafew kɔnɔ minw bɔra Ala ka Kuma kɔnɔ. Jijaliba lo be kɛ ani wari caaman lo be bɔ k’o gafew dilan ani k’u ci kafow ma duniɲa faan bɛɛ la. O kama, an mako be minw na, an ka ɲi k’u dɔrɔn lo ta.

N’i be gafew di mɔgɔw ma, o kɛ ni hakilitigiya ye, hali n’i be waajuli kɛra foroba yɔrɔw la (Mat. 7:6). Kana dan k’an ka gafew di dɔrɔn tɛmɛbagaw ma. Jija ka baro kɛ n’u ye walisa k’a lɔn n’u b’u mako don. Koo minw kofɔra koorilen na, yala a tigi be u la kelen ɲɔgɔn dafa wa? N’i lanin t’a la ko a tigi y’a mako don, a ka ɲi i ka sɛbɛnin dɔ di a ma. Nka n’a tigi ye zurunali wala gafe wɛrɛ ɲini an fɛ, an be se k’o di a ma ni ninsɔndiya ye.—Talenw 3:27, 28.