Ezayi sapitiri 65 kɔnɔ, Ala tun ko a bena fɛɛn bɛɛ kɛ kura ye. O layidu ye wulibali ye fɔɔ Jehova b’a koo fɔ i n’a fɔ a dafara ka ban.

65:17

Sankolo kuraw ye mun lo ye?

• O ye gofɛrɛnɛman kura ye min sababu la tilenninya bena sigi dugukolo kan.

• O gofɛrɛnɛman sigira saan 1914, tuma min na Krista kɛra Ala ka Masaya kuntigi ye.

Dugukolo kura ye mun lo ye?

• O ye dugukolo kan mɔgɔw ye minw be bɔ jamanaw, siyaw, ani kaanw bɛɛ la. U be kolo o sankolola gofɛrɛnɛman ye ninsɔndiya la.

Kɔrɔ juman na mɔgɔw tɛna miiri koo tɛmɛninw na tugun?

• Koo minw bɛɛ b’an tɔɔrɔ farikolo, hakili ani dusukunnakow ta fan fɛ, u bɛɛ bena ban pewu.

• Mɔgɔ kantigiw bena ɲɛnamaya diya bɔ a ɲɛɛ ma. Loon bɛɛ, ninsɔndiyakow dɔrɔn lo bena na u hakili la.