Kitabunin Jɔn lo be Jehova sago kɛra bi? labɛnna walisa an k’a lajɛ ni Bibulu kalandenw ye kalan kelen kelen bɛɛ daminɛ na wala a laban na. * Kalansen 1-4nan be kalandenw dɛmɛ u ka Jehova Seerew lɔn ka ɲɛ. Kalansen 5-14nan b’u dɛmɛ k’a lɔn an ka baara ye min ye. Kalansen 15-28nan b’a to u k’a faamu an ka ɔriganisasiyɔn be baara kɛ cogo min na. A ka fisa an ka kalansenw lajɛ ka tugutugu ɲɔgɔn kɔ. Nka, kana sigasiga ka pan ka taga kalansen dɔ lajɛ ni kalanden ye n’o barokun ɲɛsinna a makoya tigitigi dɔ ma. Kalansen kelen kelen bɛɛ be sɔrɔ ɲɛɛ kelen dɔrɔn kan ani an be se k’u lajɛ miniti duuru ka taga se miniti tan kɔnɔ.

• Ɲiningali min sɛbɛra ka kɛ kalansen barokun ye, o yira kalanden na.

• A’ ye kalansen kuru bɛɛ kalan, wala a’ y’a lajɛ cɛtigɛ ni cɛtigɛ.

• A’ ye baro kɛ o kan. A’ ye jaaw lajɛ ani ɲiningali minw sɛbɛra jukɔrɔ segikanni kama. Vɛrise minw kofɔra, n’a bɛnnin lo, a’ y’u kalan ani ka baro kɛ u kan. Cɛtigɛ minw sɛbɛra ka fin, a yira ka gwɛ k’u be barokun ka ɲiningali jaabi.

• A’ ye koorilen nin kalan ɲɔgɔn fɛ: “A ɲini ka dɔ lɔn tugun.” O kɔ, kalanden jija a k’o ladili sira tagama.