KERECƐNW KA ƝƐNAMAYA
Mɛnni kɛ Ala fɛ—Baara kɛcogo n’o kitabunin ye
Mɔgɔ minw tɛ sɛbɛ lɔn ka ɲɛ, Mɛnni kɛ Ala fɛ dilanna olu lo kosɔn. An be se ka tɛmɛ jaaw fɛ k’u kalan tiɲɛn jɔnjɔnw na minw be Bibulu kɔnɔ. Kalansen kelen kelen bɛɛ be sɔrɔ ɲɛɛ fila lo kan. U jaaw labɛnna koɲuman. Tagamasiɲɛ dɔw kɛra fana walisa k’a yira baro be kɛ jaaw kan ka tugu tugu ɲɔgɔn kɔ cogo min na.
Kitabunin fila nunu ka jaaw ye kelen ye: Mɛnni kɛ Ala fɛ ani to niin na fɔɔ abada, ani Mɛnni kɛ Ala fɛ. Sɛbɛriw ka ca kitabunin fɔlɔ kɔnɔ. Kalanden minw be se kalan na dɔɔni, u be se ka baara kɛ n’a ye. Weleweledalaw ka teli ka baara kɛ n’o lo ye. Nka sɛbɛriw man ca min kɔnɔ, u b’o di kalanden ma. Koorilenw be sɔrɔ ɲɛɛ caaman kan ani kunnafoni wɛrɛw be sɔrɔ u kɔnɔ. An be se ka baro kɛ u kan ka kɛɲɛ ni kalanden seko ye.
I be se k’o kitabuninw kofɔ waajuli la tuma bɛɛ hali ni baara tɛ kɛra n’u ye kalo la. Bibulukalan kɛtɔ, tɛmɛ jaaw fɛ ka Bibulu ka maanaw ɲɛfɔ. Ɲiningaliw kɛ walisa ka kalanden lasun a k’a daa don baro la ani a filɛ n’a be faamuyali kɛra. Vɛrise minw be ɲɛɛ kelen kelen bɛɛ jukɔrɔ, a’ ye olu kalan ani ka baro kɛ u kan. N’o kitabunin banna, walisa ka kalanden dɛmɛ a ka se ka batise, i be se ka gafe nunu la dɔ ta: Kalan tigitigi juman be Bibulu kɔnɔ? wala Bibulu b’an kalan mun lo la?